सांगली : भाजपाच्या जेष्ठ नगरसेविका भारती दिगडे यांची महापालिकेच्या सभागृह नेतेपदी निवड झाल्यानंतर आज सोमवारी दिगडे यांनी महापालिकेतील कार्यालयात जाऊन आपल्या पदाचा पदभार स्वीकारला. यावेळी सत्ताधारी आणि विरोधकांनी सुद्धा भारती दिगडे यांना शुभेच्छा दिल्या तर महापालिका कर्मचाऱ्यांकडून भारती दिगडे यांचा सत्कार करण्यात आला.
सभागृह नेते पदाचा पदभार स्वीकारल्यानंतर भारती दिगडे यांचा प्रथम मनपा प्रशासनाकडून सत्कार करण्यात आला. यावेळी उपायुक्त चंद्रकांत आडके, सहायक आयुक्त नितीन शिंदे, सिस्टीम मॅनेजर नकुल जकाते, सर्जेराव काळोसे, दिगंबर सुर्यवंशी, स्वीय सहायक दीपक अस्वले, स्नेहराज कांबळे यांच्यासह मनपा कर्मचारी उपस्थित होते. तसेच स्थायी सभापती धीरज सुर्यवंशी, राष्ट्रवादीचे गटनेते मेनुद्दीन बागवान, माजी विरोधीपक्ष नेते उत्तम साखळकर, नगरसेवक संतोष पाटील, मंगेश चव्हाण यांनीही भारती दिगडे यांचा सत्कार केला तर मनपा महिला कर्मचारी यांनीही भारती दिगडे यांचा सत्कार करत स्वागत केले.
यावेळी बोलताना भारती दिगडे यांनी नगरसेवक आणि प्रशासन यांच्यात समन्वय साधून कामकाज करण्याबाबत सांगितले तसेच नागरी प्रश्नांना अधिक प्राधान्य देणार असल्याचे सांगितले.