ओटवणे / प्रतिनिधी–
भारतीय स्वातंत्र्याच्या अमृत महोत्सवी वर्षाचे औचित्य साधून मिलाग्रिस हायस्कूल आणि सावंतवाडी मेडिकल असोसिएशन या सेवाभावी संस्थेच्यावतीने सावंतवाडीतील जिल्हा कारागृह वर्ग २ येथील बंदीवानांसाठी ब्लँकेट वितरणासह रक्षाबंधन उपक्रम राबविण्यात आला.
राज्य कारागृह व सुधार सेवा पोलीस महासंचालक व महानिरीक्षक यांच्या आदेशानुसार या कारागृहातील ७० बंदिवानासह अधिकारी व कर्मचारी यांच्यासाठी रक्षाबंधनाचा कार्यक्रम झाला.मिलाग्रिस हायस्कूलच्या शिक्षिका, विद्यार्थिनी आणि मेडिकल असोसिएशनच्या सहकारी महिला यांनी बंदिवानासह अधिकारी व कर्मचारी यांना रक्षाबंधन केले. त्यानंतर सावंतवाडी मेडिकल असोसिएशनच्यावतीने कारागृहातील ७० बंदिवानांना ब्लँकेट वितरण करण्यात आले.