लखनौ / वृत्तसंस्था
बहुजन समाज पक्षाच्या प्रमुख मायावती यांनी रालोआच्या राष्ट्रपतीपदाच्या उमेदवार द्रौपदी मुर्मू यांना पाठिंबा जाहीर केला. आम्हाला कोणालाही पाठिंबा देण्याचा अधिकार असल्याचे मायावतींनी शनिवारी जाहीर केले. बसपाच्या पाठिंब्यामुळे रालोआ उमेदवाराचे पारडे अधिकच जड झाले असून विजयाचा मार्ग अधिकच सुकर झाला आहे. राष्ट्रपतीपदाचा उमेदवार निवडण्यासाठी विरोधकांनी बसपाला बैठकीपासून दूर ठेवले. त्यातून त्यांची विचारसरणी दिसून येते. आम्ही रालोआच्या नव्हे तर आदिवासींच्या बाजूने मतदान करू. बसप हा पक्ष कोणावरही अवलंबून नाही, असे स्पष्टीकरण मायावतींनी दिले आहे.