वृत्तसंस्था/ पाटणा
बिहारमध्ये जाती निहाय जनगणना केली जाणार आहे. बिहारच्या विधानसभेत या प्रस्तावाला सर्व पक्षीय संमती मिळाल्यामुळे आता ही प्रक्रिया लवकरच हाती घेतली जाणार आहे. विधानसभेत या विधेयकाला संमती दिलेल्या आनंदाप्रित्यर्थ सत्ताधारी संयुक्त जनता दलाने एका आभार यात्रेचे नियोजन केले होते. संपूर्ण बिहारमधून ही आभार यात्रा निघाली. सर्व देशात अशा प्रकारे जाती निहाय जनगणना करण्यात यावी, अशी मागणी संयुक्त जनता दलाचे उपाध्यक्ष उपेंद्र पुशवाह आणि त्या राज्याचे मंत्री अशोक चौधरी यांनी केली आहे.