प्रतिनिधी/चंदगड
चंदगड नगरपंचायत हद्दीमध्ये सिंगल युज प्लास्टिकचे उत्पादन बंद करण्याबाबत जिल्हाधिकारी यांनी दि. 14 जून 2022 रोजीच्या दिलेल्या व्हीसीमधील सुचनेप्रमाणे चंदगड नगरपंचायती मार्फत एक तपासणी पथक नियुक्त करण्यात आले. त्यानुसार शहरामध्ये सिंगल युज प्लास्टिक बंदीबाबत तपासणी करण्यात आली.
यामध्ये एकूण एक आस्थापनामध्ये सिंगल युज प्लास्टिक आढळून आल्याने सदर आस्थापनेवर कारवाई करून आस्थापना सील करण्यात आली. या कारवाईकरीता मुख्याध्याधिकारी अजिंक्य पाटील, प्रशासकीय अधिकारी आशुतोष प्रधान, लेखापरीक्षक दत्तात्रय टोपे, शहर समन्वयक राजेंद्र दळवी, लिपिक प्रमोद पाटील, राजू शिंदे, उत्तम हळदणकर, आकाश पोवार, विश्वजित पोवार, किरण कांबळे, वसंत कोलकार उपस्थित होते.