प्रतिनिधी /म्हापसा
शुक्रवारी पहाटे कळंगूट पोलिसांनी फिलिप ओबी (वय 32) या नायजेरियन नागरिकाकडून पाच लाख रुपये किमतीचा 50 ग्रॅम कोकेन जप्त केला आहे. ड्रग्स प्रकरणात कळंगूट पोलिसांनी गेल्या दहा दिवसात नायजेरियन नागरिकांवर केलेली ही दुसरी कारवाई आहे.
निरीक्षक दत्तगुरू सावंत यांच्या देखरेखीखाली नायकावाडो येथील द लिटल हार्टजवळ ही कारवाई करण्यात आली. उपनिरीक्षक विराज नाईक यांच्यासोबत हेड कॉन्स्टेबल विद्यानंद आमोणकर, कॉन्स्टेबल अमीर गरड, गौरव चोडणकर, आकाश नाईक यांनी ही कारवाई केली. पुढील तपास उपअधीक्षक विश्वेश कर्पे यांच्या मार्गदर्शनाखाली सुरू आहे. याप्रकरणी संशयित ओबी याला अटक करण्यात आली आहे.