पुणे / प्रतिनिधी :
येत्या फेबुवारीपर्यंत दक्षिण, मध्य तसेच वायव्य भारतातील काही भागांत किमान तापमान हे सरासरीपेक्षा कमी राहणार असल्याचा अंदाज भारतीय हवामान विभागाने वर्तविला आहे.
हवामान विभागाने डिसेंबर ते फेब्रुवारीदरम्यान थंडी तसेच पावसाचा दीर्घकालीन अंदाज जाहीर केला. या अंदाजानुसार, फेब्रुवारीपर्यंत मध्य, दक्षिण तसेच वायव्य भारतातील काही भागांत किमान तापमान सरासरीपेक्षा कमी राहील. त्यामुळे या भागात थंडीचा जोर जास्त असेल. तसेच वायव्य भारतातील काही भाग, पूर्वोत्तर भारतातील काही भागात किमान तापमान सरासरीपेक्षा अधिक राहील, मध्य भारतातील बहुतांश भाग, पूर्व, पूर्वोत्तर भारत, वायव्य भागातील काही ठिकाणी कमाल तापमान सरासरीपेक्षा अधिक राहणार आहे. डिसेंबर महिन्यात दक्षिण भारतात ईशान्य मोसमी पाऊस हा सरासरीइतका राहील तर देशभरात पावसाचे प्रमाण सरासरीपेक्षा कमी राहील.
अधिक वाचा : राज्यकर्ते म्हणजे रेड्याची अवलाद; सदाभाऊंचे वादग्रस्त विधान