मंडपाची मुहूर्तमेढ : आज मूर्तीची गावात मिरवणूक : शुक्रवारी उद्घाटन सोहळा
वार्ताहर /किणये
यळेबैल येथील दुर्गामाता मंदिराच्या लोकार्पण सोहळय़ाला मंगळवारपासून प्रारंभ झाला आहे. यानिमित्त चार दिवस गावात विविध कार्यक्रमांचे आयोजन केले आहे. बुधवार दि. 25 रोजी सकाळी 8 वाजता गावात दुर्गामाता मूर्तीची सवाद्य मिरवणूक काढण्यात येणार आहे. मंदिर परिसरात मंगळवारी मंडपाचा मुहूर्तमेढ कार्यक्रम झाला. वैजू अष्टेकर यांच्या हस्ते मुहूर्तमेढ पूजन करण्यात आले.
बुधवारी गावात मूर्तीची मिरवणूक काढण्यात येणार आहे. गुरुवारी वास्तुशांती सकाळी 9 वाजता करण्यात येणार आहे. दुपारी चार वाजता हरिपाठ होणार आहे. रात्री 8 वाजता कोल्हापूर येथील हभप प्रदीप भाटे यांचे कीर्तन, निरुपण होणार आहे.
दि. 27 रोजी मंदिराचा उद्घाटन सोहळा होणार आहे. यावेळी विविध मान्यवर मंडळी उपस्थित राहणार आहेत. मूर्तीप्राणप्रतिष्ठापना व इतर कार्यक्रम रुद्रकेसरी मठ, लक्ष्मीटेक बेळगाव येथील प. पू. हरिगुरु महाराज यांच्या मार्गदर्शनाखाली होणार आहेत.