प्रतिनिधी/ बेळगाव
मराठा मंडळाच्या पब्लिक हेल्थ डेंटिस्ट्री विभागाच्या तंबाखू नियंत्रण कक्षतर्फे इंडियन डेंटल असोसिएशनच्या सहकार्याने तंबाखू निषेध दिन आचरण्यात आला. यावेळी स्मोकर लायझर या उपकरणाचे उद्घाटन प्राचार्य रमाकांत नायक यांच्या हस्ते करण्यात आले.
यानंतर शाहूनगर येथील शिवालयमध्ये दंततपासणी शिबिर घेण्यात आले. यावेळी डॉ. सुजाता ब्याहट्टी यांनी तंबाखूचे दुष्परिणाम तर डॉ. रेखा कत्ते यांनी मौखिक आरोग्य कसे राखावे? याबद्दल मार्गदर्शन केले. आयडीएच्या सचिव डॉ. नेत्रा सबनीस, नगरसेवक श्रेयस नाकाडी, सामाजिक कार्यकर्त्या शीला गडकरी व शिवालय मंदिराचे विश्वस्त अंगडी व एस. ए. कदम यावेळी उपस्थित होते.
मंडळाच्या अध्यक्षा डॉ. राजश्री नागराजू यांनी तंबाखू नियंत्रण कक्ष उत्तम कामगिरी करत असल्याबद्दल अभिनंदन केले.