कुडची पोलिसांची कारवाई : 14 लाख रुपये किमतीच्या 26 मोटारसायकली जप्त
प्रतिनिधी /बेळगाव
दोघा अट्टल मोटारसायकल चोरांना कुडची (ता. रायबाग) पोलिसांनी अटक केली आहे. त्यांच्याजवळून 14 लाख रुपये किमतीच्या 26 मोटारसायकली जप्त करण्यात आल्या आहेत. अतिरिक्त जिल्हा पोलीसप्रमुख महानिंग नंदगावी यांनी ही माहिती दिली आहे.
प्रवीण हिरेमणी (वय 30), अब्दुलमुनाफ कदडी (वय 25, दोघेही रा. कुडची) अशी अटक करण्यात आलेल्या दोघा जणांची नावे आहेत. जिल्हा पोलीसप्रमुख डॉ. संजीव पाटील यांनी या जोडगोळीला अटक करणाऱया पोलीस पथकाचे कौतुक केले आहे.
अथणीचे पोलीस उपअधीक्षक श्रीपाद जलदे, हारुगेरीचे पोलीस निरीक्षक के. एस. हट्टी यांच्या मार्गदर्शनाखाली कुडचीचे पोलीस उपनिरीक्षक शिवराज धरीगोण, साहाय्यक पोलीस उपनिरीक्षक के. आर. साळुंखे, वाय. एम. हलकी, एम. के. खनदाळ, पी. एल. खवटकोप्प, एस. ए. पाटील, ए. ए. मुदनाळ, एस. एम. हलकी व तांत्रिक विभागाचे विनोद ठक्कण्णावर, सचिन पाटील आदींनी ही कारवाई केली आहे.
मोटारसायकली चोरल्याची कबुली
या जोडगोळीने रायबाग तालुक्मयातील कुडची, चिंचली, कागवाड तालुक्मयातील उगार बुद्रुक, मंगसुळी आदी गावांत मोटारसायकली चोरल्याची कबुली दिली आहे. काही मोटारसायकली त्यांनी आपल्या घराजवळ ठेवल्या होत्या. तर विक्रीसाठी काही मोटारसायकली हिडकल, अळगवाडी व कुडची येथे ठेवल्या होत्या. त्यांच्याजवळून 26 मोटारसायकली जप्त करण्यात आल्या आहेत.