वार्ताहर / वेंगुर्ले
महाराष्ट्र ग्रामपंचायत अधिनियम 1959 चा मुंबई अधिनियम क्रमांक 3 कलम 39(1) अन्वये वेंगुर्ले तालुक्यातील पेंडुर सरपंच गीतांजली गुंडू कांबळी यांचे सरपंच व ग्रामपंचायत सदस्य पद दि. 20 जून रोजी आदेशाने रद्द केल्याचे कोकण विभागाचे मुंबईतील विभागीय आयुक्त विलास पाटील यांनी दिल होते. मात्र या आदेशांस गितांजली गुंडू कांबळी यांनी ग्रामविकास मंत्री यांचे न्यायालयात केलेल्या अपिलानुसार दि. 28 जून रोजी स्थगिती आदेश देण्यांत आलेले आहेत. या अपिलाची सुनावणीची तारीख लवकरच लावण्यांत येणार असल्याचे लेखी पत्र महाराष्ट्र शासनाचे अवर सचिव निला रानडे यांनी संबधितांना पाठविले आहे.