तरुण भारत

सांगली : या संकटातून मार्ग काढणारच, मुख्यमंत्री उद्धव ठाकरेंकडून विश्वास व्यक्त

सांगली \ ऑनलाईन टीम

मुख्यमंत्री उद्धव ठाकरे आज सांगली दौऱ्यावर आहेत. त्यांनी आज सांगली जिल्ह्यातील भिलवडीत पूरस्थितीचा आढावा घेतला.अवघ्या 5 ते 7 मिनिटांत मुख्यमंत्र्यांनी हा दौरा आटोपला. पूरग्रस्त नागरिकांशीही मुख्यमंत्र्यांनी संवाद साधला आहे. सांगलीच्या भिलवडी येथे मुख्यमंत्री उद्धव ठाकरे यांनी संवाद साधून भिलवडीमधील नागरिकांना वाऱ्यावर सोडणार नाही, सर्वोतोपरी मदत करण्यात येईल असे आश्वासन दिलं आहे. तसेच या संकटातून मार्ग काढणारच, असा विश्वास मुख्यमंत्री उद्धव ठाकरेंनी व्यक्त केला.

मुख्यमंत्री उद्धव ठाकरे यांनी सांगलीच्या भिलवडी येथे नागरिकांशी संवाद साधला यावेळी मुख्यमंत्र्यांनी म्हटलं आहे की, कोरोनाचं सकट अजूनही कायम आहे. त्या संकटाचा विचार केला तर अशी गर्दी करुन काही उपयोग नाही. सगळ्या तुमच्या वेदना आमच्यापर्यंत पोहचल्या आहेत. ज्यावेळी संकट कोसळणार असा अंदाज आला तेव्हापासून सरकार कामाला लागले, जिथे जिथे शक्य तेथिल नागरिकांचे स्थलांतरण करण्यात आले या पट्ट्यात ४ लाख लोकांचे स्थलांतर करण्यात आले. कोणतीही जिवितहानी होऊ नये हाच प्राधान्यक्रम होता आणि तो राहणार आहे. तो साधत असताना घरे सोडून जावे लागले हा आनंदाचा मुद्दा नाही.

भिलवडीमधील नागरिकांना वाऱ्यावर सोडणार नाही, सर्वोतोपरी मदत करण्यात येईल असे आश्वासन यावेळी मुख्यमंत्री उद्धव ठाकरे यांनी दिलं आहे. तसेच काही कठोर निर्णय घ्यावे लागतील मात्र त्याला तुमची तयारी असली पाहिजे असेही मुख्यमंत्र्यांनी म्हटलं आहे.

Related Stories

पुणे : कोरोनामुळे यंदा गणेश विसर्जन मिरवणूक नाही

Rohan_P

अदर पूनावाला यांना झेड प्लस सुरक्षा देण्याची मागणी

Rohan_P

बजेट 2020 : 27 हजार किमी रेल्वे ट्रॅकचे विद्युतीकरण करणार

prashant_c

lakhimpur kheri violence: सर्वोच्च न्यायालयाने योगी सरकारला पुन्हा एकदा फटकारले

Abhijeet Shinde

महाराष्ट्रात गेल्या 24 तासात 4 पोलिसांचा मृत्यू; आणखी 346 कोरोनाबाधित

Rohan_P

बदनामीची धमकी देऊन विवाहितेवर बलात्कार

Abhijeet Shinde
error: Content is protected !!