तरुण भारत

मोदी नसते तर भारताची अवस्था अफगाणिस्तानसारखी झाली असती- कंगना राणावत



मुंबई \ ऑनलाईन टीम

अफगाणिस्तान देशाला तालिबान्यांनी पुर्णपणे ताब्यात घेतलं आहे. अफगाणिस्तानचे राष्ट्रपती अश्रफ घनी देश सोडून गेले आहेत. त्यामुळे तेथील परिस्थिती चिघळली आहे. अफगाणिस्तानमधील नागरिक मिळेल त्या मार्गाने देश सोडून जाताना दिसत आहेत. या सगळ्या परस्थितीवर नेहमी आपल्या वादग्रस्त वक्तव्यांमुळे चर्चेत असलेली बॉलिवूड अभिनेत्री कंगना राणावतने फेसबुकवर काही व्हिडिओ आणि काही फोटो शेअर करत अफगाणिस्तान आणि तालिबान संघर्षावर मत व्यक्त केले आहे.

पाकिस्तान देश तालिबान्यांचं पालनपोषण करतो आणि तर अमेरिका त्यांना शस्त्रं पुरवतो. जर आज पंतप्रधान नरेंद्र मोदी नसते तर भारताचीही अवस्था आजच्या अफगाणिस्तानासारखीच झाली असती, असं कंगणा राणावतने म्हटलं आहे. यासंदर्भात तिने फेसबुक पोस्ट केली आहे.

कंगनाने एका ब्रेकींग न्यूजचा फोटो शेअर केला आहे. आज आपण मुकाटपणे हे पाहत आहोत, उद्या हे आपल्यासोबतही घडू शकते, असे कंगनाने म्हटले आहे. तसेच, भारत सरकार अफगाणिस्तानमधील भारतीयांना देशात परत आणत आहे, त्यावरही कंगनाने प्रतिक्रिया दिली आहे. चांगलं झालं मी सीएएच्या समर्थनार्थ लढाई लढली. मी संपूर्ण जगाला वाचवू इच्छिते, पण त्यासाठी सुरुवात माझ्या घरापासून करायला हवी. मी आपल्या सरकारचे आभार मानते की, त्यांनी सीएए कायदा आणला आणि एक आशावाद दाखवला. सर्वच हिंदू, शीख, जैन, इसाई, बुद्धिस्ट, पारसी आणि शेजारील इस्लामिक देशांतील इतर धर्मीय नागरिकांना राहण्यासाठी जागा मिळेल, असा आशावाद निर्माण केला. मी अफगाणिस्तानसाठी प्रार्थना करते, असे कंगनाने म्हटले आहे.

Related Stories

सतत काम करत राहण्याची गरज

Patil_p

बागणीतील मंडळांचा गणेशोत्सव साजरा न करण्याचा निर्णय

Abhijeet Shinde

गेट वे ऑफ इंडियातील आंदोलनात रोहीत पवार

prashant_c

Tokyo 2020 : भारतीय महिला संघाची उपांत्यफेरीत धडक

Abhijeet Shinde

बीड शेड येथे अखिल भारतीय किसान संघर्ष समितीकडून रास्ता रोको

Abhijeet Shinde

बडय़ा धेंडाची वसूली होणार सक्तीने

Patil_p
error: Content is protected !!