तरुण भारत

आयपीएल मॅच बेटिंग प्रकरणी एकास अटक

प्रतिनिधी / कोल्हापूर

निवारा अपार्टमेंट माळी कॉलनी टाकाळा येथील फ्लॅटमध्ये आयपीएल मॅच बेटिंग घेताना स्थानिक गुन्हे अन्वेषण पथकाने एकास ताब्यात घेतले. असिफ निसार कुडचीकर वय 52 रा. अरुण सरनाईक नगर, क्रांतिसिंह नाना पाटील नगर असे अटक केलेल्याचे नाव आहे. स्थानिक गुन्हे अन्वेषण शाखेचे पोलीसहेड कॉन्स्टेबल श्रीकांत गणपतराव मोहिते यांनी दिलेल्या फिर्यादीनुसार कुडचीकर याच्यावर राजारामपुरी पोलिस ठाण्यात गुन्हा नोंद करण्यात आला आहे.

पोलिसांकडून मिळालेली माहिती अशी, पंजाब किंग्ज विरुद्ध राजस्थान रॉयल यांच्यामध्ये मंगळवारी आयपीएल सामना सुरू होता. या सामन्यावर माळी कॉलनी टाकाळा येथील निवारा अपार्टमेंटमधील विनय कुमार उर्फ, राजू दानय्या स्वामी यांच्या फ्लॅट नंबर 203 मध्ये कुडचीकर हा बेटिंग घेत असल्याची माहिती, स्थानिक गुन्हे अन्वेषण शाखेचे पोलीस निरीक्षक प्रमोद जाधव यांना मिळाली. त्यानुसार गुन्हे अन्वेषण शाखेचे पोलीस उपनिरीक्षक किशोर डोंगरे, पोलीस अंमलदार नेताजी डोंगरे, श्रीकांत मोहिते, उत्तम सडोलीकर, रणजित कांबळे, वैभव पाटील आणि संतोष पाटील यांच्या पथकाने फ्लॅटवर छापा टाकला. यावेळी कुडची कर बेटिंग घेत असल्याचे दिसून आले.

Advertisements

त्याच्याकडून रोख 24 हजार 700 रुपये, एलईडी टीव्ही, पाच मोबाईल हँडसेट, वही-पेन असा एकूण 53 हजार 302 रुपयांचा मुद्देमाल जप्त केला. त्याला राजारामपुरी पोलिस ठाण्यात हजर करत गुन्हा नोंद करण्यात आला. पोलीस अधीक्षक शैलेश बलकवडे, अप्पर पोलीस अधीक्षक तिरुपती काकडे यांच्या मार्गदर्शनाखाली स्थानिक गुन्हे अन्वेषण या पथकाने कारवाई केली.

Related Stories

इचलकरंजीत समूह संसर्ग? 8 पॉझिटिव्ह

triratna

कोल्हापूर पोलिसांचे नादखुळा ट्विट : ‘या’ तीन गोष्टी वापरा अन् ‘वटपौर्णिमेच्या’ भरवशावर राहू नका!

triratna

नियमांचे पालन करीत महात्मा फुले जयंती साजरी

triratna

रेशनकार्डवरील धान्य पुरवठा यादी ग्रामपंचायतीच्या नाववार देणे आवश्यक

triratna

गडहिंग्लज येथील वडरगे मार्गावरील घराला आग, आगीत 10 लाखाचे नुकसान

triratna

कोल्हापूर : चिकोत्रा धरण पुर्ण क्षमतेने भरले

triratna
error: Content is protected !!