तरुण भारत

देशात बलात्काराचं सत्र सुरूच, महिला कॉन्स्टेबलवर तिघांनी बलात्कार करत रेकॉर्ड केला व्हिडिओ

भोपाळ/ प्रतिनिधी

राज्यात आणि देशभरात गेल्या काही दिवसांत बलात्काराच्या अनेक घटना घडत आहेत. अलीकडेच महाराष्ट्रातील साकीनाका (sakinaka rape case), डोंबिवली (dombivli gang rape) तर कर्नाटकातील म्हैसूर बलात्कार ( mysore rape case) प्रकरणानंतर संपूर्ण देश हादरला असताना आता आणखी एक बलात्काराची घटना मध्य प्रदेशच्या (madhya pradesh) नीमच (neemuch rape case) जिल्ह्यातून समोर आली आहे. याठिकाणी एका महिला कॉन्स्टेबलवर तीन जणांनी बलात्कार केल्याची धक्कादायक माहिती समोर आली आहे. दरम्यान, आरोपींनी या कृत्याचा व्हिडिओ शूट केला आणि तिला जीवे मारण्याची धमकी दिल्याची माहिती समोर आली आहे. या प्रकरणातील मुख्य आरोपी आणि त्याच्या आईला अटक करण्यात आली आहे, तर इतर तिघे फरार आहेत, असे महिला पोलीस ठाण्याच्या प्रभारी अनुराधा गिरवाल यांनी सांगितले.

पोलिसांनी दिलेल्या माहितीनुसार, फेसबुकवर आरोपी पवनने या वर्षाच्या सुरुवातीला महिला कॉन्स्टेबलशी मैत्री केली. त्यानंतर ते प्रत्यक्षात भेटू लागले. आरोपी पवन हा नीमचमधील मनसा शहरातील रहिवासी असून पीडितेला भेटायला इंदूरला गेला होता. नंतर पवनने पीडितेला त्याचा भाऊ धीरेंद्रच्या वाढदिवसासाठी मनसा येथे आमंत्रित केले. पवनच्या घरी, त्याचा भाऊ धीरेंद्र आणि विजय यांनी महिला कॉन्स्टेबलवर बलात्कार केला. या कृत्याचा व्हिडिओ रेकॉर्ड केला आणि तिला जीवे मारण्याची धमकी दिली. पीडितेने पवन घरी आल्यावर त्याला घडलेला प्रकार सांगितला तेव्हा त्यानेही तिच्यावर बलात्कार केला, असं पीडितेनं जबाबात म्हटलंय.

Advertisements

Related Stories

कच्च्या तेलाच्या आयातीत लक्षणीय घट

Patil_p

आजारास कंटाळून कणेरीत एकाची आत्महत्या

Abhijeet Shinde

राष्ट्रवादी काँग्रेसचे सर्वेसर्वा शरद पवार यांनी घेतली कोरोनाची लस

Rohan_P

मुख्तार अन्सारीला युपीत हलविणार

Patil_p

धक्कादायक ! तीन दिवस भावाच्या मृतदेहासोबत राहिली मनोरुग्ण बहिण

Abhijeet Shinde

लसीकरणासाठी कर्नाटकचे स्वतंत्र अ‍ॅप

Abhijeet Shinde
error: Content is protected !!