तरुण भारत

मजरे कासारवाडा येथील युवकाचा शॉक लागून जागीच मृत्यू

वार्ताहर / तुरंबे

दसऱ्या निमित्त राहत्या घराची स्वच्छता करत असताना विद्युत मोटरचा शॉक लागून राधानगरी तालुक्यातील मजरे कासारवाडा येथील श्रीराज अशोक वारके या युवकाचा जागीच मृत्यू झाला. या घटनेमुळे मजरे कासारवाडा परिसरात हळहळ व्यक्त केली जात आहे. तर या अपघातामुळे वारके कुटुंबियांना मोठा धक्का बसला आहे. या घटनेमुळे दसरा सन या कुटुंबियांच्या आठवणीत कायमचा राहिला आहे.

मजरे कासारवाडा येथील माजी सरपंच अशोक वारके यांचे कुटुंब रविवारी दसरा सणासाठी घराची स्वच्छता करत होते. त्यांचा मोठा मुलगा श्रीराज वारके हा पाण्याची मोटार सुरु करून घराच्या भिंतीवर पाणी मारत होता. अचानक पाण्यातून त्याला जोराचा विजेचा शॉक लागला. यामुळे त्याचा जागीच मृत्यू झाला. संपूर्ण कुटुंबांसमोर हा प्रकार घडला मात्र कोणालाही समजण्या पुर्वी श्रीराजचा मृत्यू झाला.

श्रीराज हा अत्यंत मन मिळाऊ आणि होतकरू असल्याने त्याचा मित्र परिवारही मोठा होता. त्याच्या या अपघाताची माहिती समजताच मित्र परिवाराने मोठी गर्दी केली होती. तर आईने मला माझ बाळ दाखवा अस म्हणत फोडलेला हंबरडा ह्दय पिळवटून टाकणारा होता. दोनच वर्षापूर्वीच श्रीराजचा विवाह झाला होता. त्याला एक वर्षाचा मुलगा, पत्नी, आई, वडील, एक भाऊ, दोन बहिणी असा परिवार आहे. त्याच्यावर सोळांकूर येथील ग्रामीण रुग्णालयात शवविच्छेदन केल. या घटनेची नोंद राधानगरी पोलिसात झाली आहे.

Advertisements

Related Stories

पंचगंगा जलसमाधी परिक्रमा 1 सप्टेंबरपासून; राजू शेट्टी यांची माहिती

Abhijeet Shinde

जिल्हय़ात सहावा बळी 28 पॉझिटिव्ह, रूग्णांची संख्या 590 वर

Abhijeet Shinde

कोल्हापूर : ….तर शिरोली बनेल गुन्हेगारांची राजधानी

Abhijeet Shinde

कोल्हापूर : स्लो डाऊनमुळे अभियांत्रिकी प्रवेशाकडे पाठ

Abhijeet Shinde

अंगठ्या, मोबाईल हिसकावणारा पोलिसांच्या जाळ्यात

Abhijeet Shinde

गरजूंना दीड हजार जीवनावश्यक वस्तूंच्या किटचे वाटप

Abhijeet Shinde
error: Content is protected !!