तरुण भारत

राज ठाकरेंच्या नावे खंडणी मागणारी टोळी गजाआड

मुंबई/प्रतिनिधी

मनसे अध्यक्ष राज ठाकरे (raj thackeray) यांच्या नावाने खंडणी मागणाऱ्या टोळीला मुंबईतल्या मालवणी पोलिसांनी (Police) बेड्या ठोकल्या (arrested) आहेत. अटक करण्यात आलेल्यांच्या मध्ये मराठी चित्रपटाचे निर्माते, दिग्दर्शक आणि त्यांच्या चालकाचा समावेश आहे. दिग्दर्शक मिलन वर्मा, निर्माते युवराज बोऱ्हाडे आणि चालक सागर सोलनकर अशी अटक केलेल्यांची नावे आहेत. या प्रकरणात पोलिसांनी एका मराठी अभिनेत्रीलाही नोटीस बजावल्याचं सांगितलं जात आहे. एका वृत्तवाहिनीने दिलेल्या वृत्तानुसार, आरोपींनी मड परिसरातल्या एका बंगल्याच्या सुरक्षारक्षकाला मारहाण केली होती आणि या मारहाणीचा व्हिडिओ व्हायरल केला. सुरक्षारक्षकाने दिलेल्या तक्रारीनुसार, पोलिसांनी गुन्हा दाखल केला आणि तिघांना अटक केली.

दरम्यान, ही महिला तू राज ठाकरेंना ओळखत नाहीस? काम कोणासाठी करतोयस? महाराष्ट्रामध्ये, मुंबईमध्ये राहतोयस ना तू? असे म्हणत, एका सुरक्षारक्षकाला मारहाण करत मनसे अध्यक्ष राज ठाकरेंच्या नावाने खंडणी मागितल्याचा एक व्हिडीओ सोशल मिडीयावर व्हायरल होत आहे. याच प्रकरणी सध्या मुंबईतील मालवणी पोलीसांकडून सिनेसृष्टीतील तिघांना बेड्या ठोकण्यात आल्या आहेत. यामध्ये दिग्दर्शक मिलन वर्मा, निर्माता युवराज बोराडे आणि चालक सागर सोलणकर यांनाही अटक केली आहे. तसेच पोलीसांनी याप्रकरणी एका मराठी अभिनेत्रीला देखील नोटीस पाठवली आहे. ही अभिनेत्री मनसेची कार्यकर्ता असल्याचं सांगितलं जातंय.

या प्रकरणी मालवणी पोलीस ठाण्याचे उपनिरीक्षक अनुराग दिक्षीत यांनी माहिती दिली आहे. सुरक्षारक्षकाच्या तक्रारीनुसार गुन्हा दाखल करण्यात आला असून यातल्या महिलेला पोलीस ठाण्यात बोलवण्यात आलं होतं. मात्र ती रात्री आली नाही, म्हणून तिला आता पुन्हा एकदा नोटीस बजावण्यात आली आहे.

Advertisements

Related Stories

कुख्यात गुंड विकास दुबेचा साथीदार पोलीस एन्काऊंटरमध्ये ठार

datta jadhav

न्यूयॉर्कमधील टाइम्स स्क्वेअरवर 15 ऑगस्टला फडकणार तिरंगा

datta jadhav

शहरात स्वच्छता… प्रवेशद्वारावर अस्वच्छता

Patil_p

15 ऑगस्टला ‘या’ ठिकाणी हल्ला करण्याचा दहशतवाद्यांचा कट; सुरक्षा यंत्रणा हाय अलर्टवर

Rohan_P

रत्नागिरी : एका दिवसात कोरोनाचे चार बळी

Abhijeet Shinde

ख्यातनाम शास्त्रीय गायक पंडित जसराज यांचे अमेरिकेत निधन

datta jadhav
error: Content is protected !!