तरुण भारत

जॉय काकोडकर तिसवाडी बुद्धिबळ रॅपीड स्पर्धेचा विजेता

क्रीडा प्रतिनिधी /मडगाव

तिसवाडी तालुका बुद्धिबळ संघटनेने आयोजित केलेल्या ऑफलाईन खुल्या रॅपीड बुद्धिबळ स्पर्धेचे जेतेपद जॉय काकोडकर याने मिळविले. स्पर्धेचे आयोजन महालक्ष्मी हिंदू वाचन मंदिरात करण्यात आले होते. जेतेपद मिळविताना जॉयने अपराजित राहताना सात राऊंडमधून 6.5 गुणांची कमाई केली.

Advertisements

5.5 गुणानी वुमन कँडिडेट मास्टर स्वॅरा ब्रागांझाने दुसरे स्थान प्राप्त केले. तिसरे स्थान 5 गुणानी लव काकोडकरला मिळाले. प्रतीक बोरकर, वेदांत आंगले, आर्या दुबळे, श्रेयश हवाल, वरद शिरोडकर, आयडन जिझस सावियो आणि के. तुषार यांनी त्यानंतरची स्थान मिळविली.

या व्यतिरिक्त आदित्य दुबळे, विहान तारी, आर्यन बॅनर्जी, इथॅन सिल्वेरा, नॅथन फाचो, लिया सिल्वेरा, मृगजा सरदेसाई, रेडन प्रँक, धर्मादित्य नाईक, श्रीवल्ली गांधी, कामाक्षी मणेरकर, अथर्व नितीन नारायण, सोहम रायकर, ऍलना आंद्राद व विरजा देसाई यांना वयोगटात बक्षीसे मिळाली.

स्पर्धा आंगले कुटूंबियांनी बाळकृष्ण शिवा पै आंगले यांच्या स्मृतिप्रीत्यर्थ पुरस्कृत केली होती. बक्षीस वितरण अवधूत आंगले यांच्या हस्ते झाले. यावेळी शिवाजी आरस, महेश कांदोळकर, दत्ताराम पिंगे, अरविंद म्हामल, ज्ञानेश्वर नाईक, सत्यवान हरमलकर, विश्वास पिळर्णकर, नरेश पेडणेकर आणि नंदिनी म्हामल यांची उपस्थिती होती.

Related Stories

शिरडीत ‘लॉकडाऊन’, शिरगावात ‘कोरोन्टाईन’!

tarunbharat

पोरस्कडे पेडणे येथे रेती साठय़ावर कारवाई , बेकायदेशीर रेती फेकली परत नदीत

Patil_p

चावडीवर भर बाजारात धोकादायक खड्डा

Amit Kulkarni

रिकार्डो डिसोझा यांच्याकडून टिटो क्लब विकल्याची घोषणा

Amit Kulkarni

ख्रिस्ती बांधवांच्या पवित्र सप्ताहात विधानसभेचे अधिवेशन घेणे धक्कादायक

Amit Kulkarni

वास्को मुरगावातील उड्डाण पुलाच्या कामाची समस्या केंद्रीयमंत्र्यासमोर मांडली

Patil_p
error: Content is protected !!