तरुण भारत

महामोर्चा-सायकल फेरीत मराठी भाषिकांनो ताकद दाखवून द्या

प्रतिनिधी /बेळगाव

येत्या 25 ऑक्टोबर रोजी काढण्यात येणारा महामोर्चा तसेच 1 नोव्हेंबरच्या सायकल फेरीमध्ये मोठय़ा संख्येने शिवसैनिक सहभागी होणार असून, आपली ताकद सरकारला दाखवून देणार आहेत. मोठय़ा संख्येने सीमा बांधवांनी यामध्ये सहभागी व्हावे, असे आवाहन शिवसेना सीमाभागातर्फे करण्यात आले आहे.

Advertisements

भाषिक अल्पसंख्याक आयोग, न्यायालय आणि सरकारने दिलेल्या आदेशाचे पालन करुन त्रिसूत्री भाषांमध्ये परिपत्रके द्यावीत तसेच चौकातील फलक, महानगरपालिकेतील फलक तिन्ही भाषांमध्ये लावावेत त्याचप्रमाणे कागदपत्रेही मराठीमध्ये देण्यात यावीत, अशा मागण्यांसाठी हा महामोर्चा काढण्यात येणार आहे.

मराठी भाषिकांवर कानडीकरणाचा वरवंटा फिरविला जात आहे. त्यामुळे आता भाषिकांना अस्मिता दाखविण्याची वेळ आली आहे. राष्ट्रीय पक्षांच्या भूलथापांना बळी न पडता सीमाभागातील मराठी भाषिकांनी आपला भाषिक लढा अधिक बळकट करायचा आहे. त्यामुळे मराठी फलक, मराठी कागदपत्रे मिळावीत या मागणीसह मनपाच्या समोरील अनधिकृत ध्वज हटवावा यासाठी 25 रोजी काढण्यात येणाऱया महामोर्चामध्ये मोठय़ा संख्येने शिवसेनेसह सीमावासियांनी सहभागी व्हावे, असे आवाहन शिवसेनेचे उप जिल्हाप्रमुख बंडु केरवाडकर, शहर प्रमुख दिलीप बैलूरकर, उप शहरप्रमुख राजकुमार बोकडे, राजू तुडयेकर, प्रवीण तेजम, प्रकाश राऊत, तानाजी पावशे, वैजनाथ भोगन, निरंजन अष्टेकर, प्रकाश भोसले, यांच्यासह शिवसैनिकांनी आवाहन केले आहे.

Related Stories

कंग्राळी खुर्द येथील महिला 15 दिवसांपासून बेपत्ता

Rohan_P

सुदृढ आरोग्यासाठी त्यांची भारतभ्रमंती

Amit Kulkarni

गणेशोत्सव साधेपणाने साजरा करण्याचे आवाहन

Amit Kulkarni

शेतकरी-कामगारांसाठी चळवळ हाती घेणे गरजेचे

Patil_p

कोरोनाचे नियम पाळत स्वातंत्र्यदिन साजरा करा

Patil_p

कोगनोळीनजीक दोन वेगवेगळ्या अपघातात 2 ठार

Amit Kulkarni
error: Content is protected !!