तरुण भारत

लंकेचा सलामीचा सामना आज बांगलादेशविरुद्ध

वृत्तसंस्था/ शारजा

आयसीसी टी-20 विश्वचषक क्रिकेट स्पर्धेत रविवारी लंका आणि बांगलादेश यांच्यातील सामन्याला येथे भारतीय प्रमाण वेळेनुसार दुपारी 3.30 वाजता प्रारंभ होणार आहे. गट-1 मधील हा पहिला सामना आहे.

Advertisements

लंका आणि बांगलादेश या दोन्ही संघांनी पात्र फेरीची स्पर्धा पार करत सुपर 12 संघांमध्ये स्थान मिळविले आहे. पात्र फेरीच्या अ गटात लंकेने 3 सामने जिंकून आघाडीचे स्थान मिळविले तर ब गटात बांगलादेशने दुसरे स्थान पटकाविले. या गटात स्कॉटलंड पहिल्या स्थानावर राहिला. पात्र फेरीच्या शेवटच्या सामन्यात लंकेने नामिबियाचा 7 गडय़ांनी पराभव केला तसेच लंकेने आयर्लंडवर 70 धावांनी मात केली. लंकेने गटात हॉलंडचा 8 गडय़ांनी पराभव केला.

बांगलादेश संघाला पात्र फेरीच्या स्पर्धेतील पहिल्या सामन्यात स्कॉटलंडकडून पराभवाचा धक्का बसला. पण, त्यानंतर बांगलादेशने ओमान आणि पापुआ न्यू गिनिया यांचा पराभव करत सुपर 12 संघांत स्थान मिळविले.

रविवारच्या सामन्यात लंकन संघाला गोलंदाजीत सुधारणा करावी लागेल. लंकेच्या तुलनेत बांगलादेशची गोलंदाजी थोडी अधिक भक्कम वाटते. बांगलादेश संघाने 2021 क्रिकेट हंगामात टी-20 चे नऊ सामने जिंकून विश्वचषक टी-20 स्पर्धेत प्रवेश केला आहे. लंकेचे नेतृत्व शनाकाकडे तर बांगलादेश नेतृत्व मेहमुदुल्लाकडे आहे.

Related Stories

सॅमसन-केएल राहुल यांची जुगलबंदी रंगण्याची अपेक्षा

Patil_p

पाक कसोटी संघाच्या कर्णधारपदी बाबर आझम

Omkar B

किंग्स इलेव्हन पंजाबची हैदराबादवर मात

Patil_p

भारताच्या टोकियो ऑलिम्पिक पथकाचे ‘जेएसडब्ल्यू’ नवे पुरस्कर्ते

Patil_p

मोटररेसिंग चालक रायकोनेनला कोरोनाची बाधा

Patil_p

बेल्जियम, हॉलंड यांचे विजय

Patil_p
error: Content is protected !!