तरुण भारत

विद्यापीठ सेवक संघाचे माजी सरचिटणीस अतुल ऐतावडेकर यांचे निधन

कोल्हापूर/ प्रतिनिधी

शिवाजी विद्यापीठ सेवक संघाचे माजी सरचिटणीस अतुल जयवंत ऐतावडेकर (वय ५४, रा. सुभाषनगर) यांचे हृदयविकाराने गुरुवारी पहाटे निधन झाले. त्यांच्या पश्चात आई-वडील, पत्नी, मुलगा, दोन भाऊ असा परिवार आहे.

अतुल ऐतावडेकर हे शिवाजी विद्यापीठात सहाय्यक अधीक्षक पदावर कार्यरत होते. विद्यापीठ सेवक संघाचे माजी सरचिटणीस व खजानिस म्हणून त्यांनी काम पाहिले आहे. महाराष्ट्र विद्यापीठ कर्मचारी महासंघाचे पश्चिम विभागीय समन्वयक म्हणून कार्यरत होते. २०११-१२ रोजी त्यांना शिवाजी विद्यापीठ आजी-माजी कृती समितीच्यावतीने ‘शिव’ पुरस्काराने सन्मानित करण्यात आले. गुरूवारी पहाटे अचानक छातीत दुखू लागल्याने त्यांना खासगी रूग्णालयात दाखल करण्यात आले. त्यापूर्वीच त्यांची प्राणज्योत मालवली.

नुकतेच विद्यापीठ सेवक संघाचे नेते बाबा सावंत यांचे निधन झाले. त्यातच ऐतावडेकर यांच्या निधनाने विद्यापीठ सेवक संघ व शिवाजी विद्यापीठावर शोककळा पसरली आहे. शुक्रवारी पंचगंगा स्मशानभूमीत त्यांच्या पार्थिवावर अंत्यसंस्कार केले जाणार आहेत.

Advertisements

Related Stories

कोल्हापूर : महापालिकेची सभा तहकूब

Abhijeet Shinde

कोल्हापूर : ट्रॅक्टर ट्रॉलीच्या मागे पळत ऊस काढताना पडून चिमुरड्याचा मृत्यू

Abhijeet Shinde

कोल्हापूर टोलविरोधी कृती समितीचे निमंत्रक निवासराव साळुंखे यांचे निधन

Abhijeet Shinde

कोल्हापूर जिल्ह्यात २४ तासात १७ मृत्यू ५९४ नवे रुग्ण

Abhijeet Shinde

शिरोलीत सरकारी जागेवरील अतिक्रमणे कायम करण्यासाठी आढावा बैठक पार पडली

Abhijeet Shinde

कार खरेदी फसवणूक प्रकरणी सद्दाम जमादार यास अटक

Abhijeet Shinde
error: Content is protected !!