तरुण भारत

झोपडपट्टी धारकांचे प्रलंबित प्रश्न मार्गी लावणार : अजित पवार

ऑनलाईन टीम / पुणे :

पुणे आणि पिंपरी चिंचवड मधील झोपडपट्टीधारकांना सर्व सुविधांयुक्त हक्काची घरे मिळवून देण्यासाठी राज्य शासन कटिबद्ध असून झोपडपट्टी पुनर्वसन प्राधिकरणाच्या नवीन नियमावलीबाबत लवकरच निर्णय घेण्यात येईल, असे आश्वासन उपमुख्यमंत्री तथा जिल्ह्याचे पालकमंत्री अजित पवार यांनी दिले.

Advertisements

झोपडपट्टी पुनर्वसन प्राधिकरणाच्या पुणे आणि पिंपरी चिंचवड क्षेत्राच्या नवीन मुख्य कार्यालयाचे उद्घाटन उपमुख्यमंत्री अजित पवार यांच्या हस्ते करण्यात आले, त्यावेळी ते बोलत होते. यावेळी झोपडपट्टी धारकांच्या गृहनिर्माण संस्था नोंदणीचे प्रमाणपत्र मान्यवरांच्या हस्ते संस्थेच्या पदाधिकाऱ्यांना प्रदान करण्यात आले.

बांधकाम व्यावसायिकांनी सामाजिक बांधिलकी जोपासून झोपडपट्टी धारकांना कमी कालावधीत चांगल्या दर्जाची घरे बांधून द्यायला हवीत, असे सांगून उपमुख्यमंत्री पवार म्हणाले, झोपडपट्टी धारकांना वर्षभरात अधिकाधिक घरे उपलब्ध करुन देण्यासाठी प्रयत्न करण्यात येतील. ऐतिहासिक व सांस्कृतिक दृष्टया प्रसिध्द असणाऱ्या पुण्यातील नागरिकांच्या हिताचे निर्णय शासन गतीने घेणार आहे.  मेट्रो, रिंगरोड, विमानतळ विस्तारीकरण अशा मोठ्या प्रकल्पांची कामे निधी अभावी रखडू नयेत, यासाठी वेळेत निधी उपलब्ध करुन दिला जाईल. प्राधिकरणाचे हे कार्यालय सुसज्ज झाले असून या जागेतून अधिकारी व कर्मचाऱ्यांनी झोपडपट्टी धारकांना चांगल्या सोयी सुविधा तात्काळ उपलब्ध करुन द्याव्यात.

 

Related Stories

सत्तरी तालुक्मयातील धनगर समाज असुरक्षित

Patil_p

खातेवाटपावरून विजय वडेट्टीवारही नाराज

prashant_c

सहलीला गेलेल्या पोलीस पुत्राचा दुर्दैवी मृत्यू

Abhijeet Shinde

नागरिकत्व कायद्याबाबत शिवसेनेची भूमिका कलुषित : आठवले

prashant_c

काँग्रेसच्या हातात भाजपचे कमळ ?

Abhijeet Shinde

ऊसतोड मजुरांना दिलासा; जीवनावश्यक वस्तूंसाठी 1 कोटी 43 लाख

datta jadhav
error: Content is protected !!