तरुण भारत

चीनहून आयात केलेल्या रॅपिड टेस्टिंग किटमध्ये तब्बल 145 टक्के नफेखोरी

ऑनलाईन टीम / नवी दिल्ली :

चीनमधून आयात करण्यात आलेल्या 5 लाख रॅपिड टेस्टिंग किटमध्ये आयातदार आणि वितरकांनी तब्बल 145 टक्के नफेखोरी केल्याचे दिल्ली उच्च न्यायालयात उघड झाले.

Advertisements

कोरोनाचे कमी वेळात निदान व्हावे, यासाठी भारताने चीनहून 5 लाख ‘रॅपिड टेस्टिंग किट’ आयात केले होते. ‘मॅट्रिक्स लॅब्स’ या आयातदार कंपनीने या किटची आयात केवळ 245 रुपयांना केली होती. वितरकांच्या नफेखोरीमुळे हे किट भारतीय वैद्यकीय संशोधन परिषदेला (IMCR) 600 रुपयांना विकण्यात आले. देशावर कोरोनासारखे भीषण संकट असतानाही आयातदार ते वितरकांच्या नफेखोरीमुळे हे किट तब्बल 145 टक्के प्रत्येक किटमागे नफामिळवून विकण्यात आले. दिल्ली उच्च न्यायालयाने या किटच्या कींमतीवर आक्षेप घेत किटच्या किंमती कमी करण्याचे आदेश दिले आहेत. 
 

‘मॅट्रिक्स लॅब्स’ने चीनच्या ‘वोंडफो बायोटेक’कडून 5 लाख किट आयात केले होते. त्यासाठी त्यांनी 21 कोटी रुपये खर्च केले. IMCRला आत्तापर्यंत 2.76 लाख किट पुरवण्यात आले आहेत. त्याचे 12.75 कोटी मॅट्रिक्स लॅब्सला मिळाले आहेत.त्यानंतर किटमध्ये दोष आढळल्यानंतर आयएमसीआरकडून या किटचा वापर थांबवण्याचे आदेश देण्यात आले. त्यामुळे उरलेली 2.24 लाख किट मॅट्रिक्स लॅबकडे पडून आहेत.

रेअर मेटाबॉलिक्स’ हा रॅपिड अँन्टीबॉडी टेस्ट किटचा भारतात एकमेव वितरक आहे. त्यांनी आयातदार ‘मॅट्रिक्स लॅब्स’विरुद्ध उच्च न्यायालयात याचिका दाखल केली होती. त्यावर आज सुनावणी झाली.

Related Stories

सार्वभौमत्वाशी कदापिही तडजोड नाही

Patil_p

गुजरात सरकारने बदलले ‘ड्रॅगन फ्रूट’चे नाव

Rohan_P

भाजपसोबत राहण्यासाठी ‘या’ आमदाराला रश्मी शुक्लांनी धमकावलं ; जितेंद्र आव्हाडांचा आरोप

Abhijeet Shinde

महाराष्ट्रात दुकाने, मार्केट सुरू ठेवण्यास आता 2 तास वाढीव परवानगी

Rohan_P

चित्रीकरण सत्य असल्याची शारजीलची कबुली

Patil_p

विरोधकांचे केवळ स्वार्थापोटी ‘सेल्फ गोल’

Amit Kulkarni
error: Content is protected !!