तरुण भारत

रशियाने तयार केले कोरोनावर प्रभावी औषध

ऑनलाईन टीम / मॉस्को : 

रशियाने कोरोनावर प्रभावी औषध तयार केले आहे. या औषधाने कोरोना रुग्ण 4 दिवसात बरे झाल्याचा निष्कर्ष या औषधाच्या चाचणीतून काढण्यात आला आहे. रशियाच्या आरोग्य यंत्रणेने हे औषध वापरण्यास मंजुरी दिली आहे. त्यामुळे 11 जूनपासून या औषधाचा वापर कोरोना रुग्णांवर करण्यात येणार आहे. रशियाच्या आरडीआयएफ प्रमुखांनी एका वृत्तसंस्थेला यांसर्भात माहिती दिली आहे.

Advertisements

रशियाने तयार केलेल्या या औषधाची नोंदणी ‘एविफेविर’ नावाने करण्यात आली आहे. हे औषध बनवणारी कंपनी महिन्याला ६० हजार रुग्णांवर उपचार करता येतील, एवढे औषध तयार करणार आहे. ११ जूनपासून रशियन रुग्णालयांमध्ये कोरोना रुग्णांवर या अँटीव्हायरल औषधाने उपचार सुरु होणार आहेत. ‘एविफेविर’ हे औषध फॅव्हीपीरावीर म्हणून ओळखले जाते. १९९० साली जपानी कंपनीने या औषधाची निर्मिती केली होती. ताप, सर्दीसाठी जपानमध्ये या औषधाचा वापर केला जातो. 

फॅव्हीपीरावीर या जपानी औषधात काही बदल करून 
रशियाने एविफेविर हे औषध तयार केले आहे. रशियात 330 रुग्णांवर या औषधांच्या चाचण्या घेण्यात आल्या. त्यामधील बहुतांश केसमध्ये कोरोना रुग्ण चार दिवसात बरे झाले आहेत. अमेरिकेतील गिलीयड सायन्सेस या कंपनीने बनवलेले ‘रेमडेसिविर’ हे अँटीव्हायरल औषधही कोरोनावर  प्रभावी ठरत आहे.

Related Stories

ब्राझीलमध्ये कोरोनाबळींची संख्या 90 हजारांवर

datta jadhav

फ्रान्स : स्थिती बिघडली

Patil_p

शरद पवार मुख्यमंत्र्यांच्या भेटीसाठी वर्षा बंगल्यावर

triratna

जळगाव वसतिगृहात महिलांवर अत्याचाराची कोणतीही घटना घडली नाही : गृहमंत्री

Rohan_P

पंतप्रधान मोदींना जीवे मारण्याच्या धमकीचा ई-मेल एनआयएच्या हाती

datta jadhav

ब्रिटन अन् चीनमधील तणावात वाढ

Patil_p
error: Content is protected !!