तरुण भारत

‘जिओ’चा 7 वा करार; ADIA ने केली 5,683 कोटींची गुंतवणूक

ऑनलाईन टीम / नवी दिल्ली : 

अबू धाबीच्या ‘मुबादला इन्व्हेस्टमेंट कंपनी’ नंतर अबू धाबी इन्व्हेस्टमेंट अथॉरिटी (ADIA) ने  जिओत 5683 कोटींची गुंतवणूक केली आहे. या कंपनीचा जिओमध्ये 1.16 टक्के हिस्सा असेल. रिलायन्सने याबाबतची माहिती दिली आहे. 

Advertisements

अबू धाबी इन्व्हेस्टमेंट अथॉरिटी (ADIA) ही जिओत गुंतवणूक करणारी सातवी कंपनी आहे. यापूर्वी मागील 2 महिन्यात फेसबुक, सिल्वर लेक, व्हिस्टा इक्विटी पार्टनर्स, जनरल अटलांटिक, अमेरिकेन कंपनी ‘KKR’ आणि अबू धाबीच्या मुबादला इन्व्हेस्टमेंट कंपनीने गुंतवणूक केली आहे. या कंपन्यांकडून जिओमध्ये आतापर्यंत 97 हजार 855.65 कोटी रूपयांची गुंतवणूक झाली आहे. या गुंतवणुकीसह रिलायन्स इंडस्ट्रिजने जिओमधील 21.06 टक्के हिस्स्याची विक्री केली आहे. 

यापूर्वी  फेसबुकने 43,534 कोटींची गुंतवणूक करत जिओमध्ये 9.9 टक्के भागीदारी निश्चित केली आहे.  सिल्वर लेकने जिओमध्ये 5655 कोटींची गुंतवणूक करत 1.55 टक्के भागीदारी खरेदी केली आहे. तर व्हिस्टा इक्विटी पार्टनर्सनेही 11,367 कोटी, जनरल अटलांटिकने 6500 हजार कोटींची गुंतवणूक केली आहे. तर ‘KKR’ ने 11 हजार 367 कोटींची गुंतवणूक केली आहे. मुबादला इन्व्हेस्टमेंट कंपनीने जिओमध्ये 9093.60 कोटींची गुंतवणूक केली आहे.

Related Stories

लँडमार्क्स कार्सचा येणार आयपीओ

Patil_p

पायलटच्या चुकीमुळे बिपिन रावत यांचे हेलिकॉप्टर क्रॅश

Abhijeet Shinde

दोन सत्रांच्या तेजीला विराम !

Patil_p

दक्षिण कोरियाचे आदर्श मॉडेल

Omkar B

टाटा समूहाकडून 500 कोटींचा मदतनिधी

tarunbharat

सोनीने आणला वायरलेस स्पीकर

Patil_p
error: Content is protected !!