तरुण भारत

सांताक्रूझ येथे गोळी लागून युवकाचा मृत्यू

प्रतिनिधी/ पणजी

सांताक्रूझ येथे एका गँगकडून दुसऱया गँगच्या प्रमुखाची हत्या करण्याच्या प्रयत्नात हत्या करण्यासाठी गेलेल्याच गँगमधील एका युवकाला गोळी लागून त्याचा मृत्यू झाल्याची घटना घडली आहे. ही घटना शुक्रवारी पहाटे घडली. शुक्रवारी पहाटे घडलेल्या या प्रकारामुळे सांताक्रूझ परिसरात पुन्हा गँगवॉर डोके वर काढीत असल्याचे दिसून येत आहे.

दहाजणांची टोळी सीसीटीव्हीमध्ये कैद 

पोलिसांनी दिलेल्या माहितीनुसार मयत युवकाचे नाव सोनू यादव (वय 25, करंझाळे) असे आहे. कुविख्यात गुंड इम्रान बेपारी याची हत्या करण्यासाठी सुमारे 10 जणांची टोळी त्याच्या घराकडे शुक्रवारी पहाटे दाखल झाली होती. इम्रान बेपारी याचा खंडणी वसूल करणे यासारख्या अनेक गुन्हेगारी प्रकरणात हात आहे. बेपारीचा खात्मा करण्यासाठी त्याच्या घराजवळ दाखल झालेली दहाजणांची टोळी सीसीटीव्हीमध्ये दिसत असल्याने या प्रकरणाचा तपास लवकरच लागणार असल्याचेही पोलिसांनी सांगितले.

कुविख्यात इम्रान बेपारी याला मारण्यासाठी दाखल झालेल्या गँगने बेपारी याच्या घरावर तसेच त्याच्या गाडीवर गोळ्या झाडल्या होत्या. याचवेळी हत्या करण्यासाठी आलेल्या टोळीतील सोनू यादव यालाच गोळी लागली होती. तशाच स्थितीत त्याला परत घेऊन जाण्याचा संशयितांनी प्रयत्न केला होता. वाटेतच त्याचा मृत्यू झाल्यामुळे त्याला त्याच स्थितीत सोडून संशयितांनी पोबारा केला. सोनू यादव याचा मृतदेह सांताक्रूझ सीमेवर मिळाला आहे.

या घटनेची माहिती पोलिसांना मिळताच त्यांनी अज्ञात संशयितांविरोधात गुन्हा नोंद केला आहे. उत्तर गोवा अधीक्षक उत्कृष्ठ प्रसन्नू, पणजी उपविभागीय अधिकारी उत्तम राऊत देसाई, पणजी निरीक्षक सुदेश नाईक, ओल्ड गोवा निरीक्षक कृष्णा सिनारी तसेच इतर अधिकारी घटनास्थळी दाखल झाले. घटनेचा पंचनामा केल्यानंतर वेगाने तपासकामाला सुरुवात झाली असल्याचे पोलीस सूत्रांनी सांगितले.

नऊजणांना अटक

दरम्यान, रात्री उशिरा ओल्ड गोवा पोलिसांनी याप्रकरणी नऊजणांना अटक केली असून यात दोघा अल्पवयींनांचा समावेश आहे. अटक केलेल्या आरोपींची नावे पुढीलप्रमाणे : मर्सिलिनो डायस ( वय 35, कुडका बांबोळी), रॉनी डिसोझा (वय 23, सांतईनेज), सॅम्युयल डिसोझा (वय 20, सांतईनेज), डेविड आराझो (वय 26, सांताक्रूझ), मिंगल आराझो (वय 19, सांताक्रूझ), फ्रान्सिस पॅन्की नादाल (वय 23, सांताक्रूझ), डेविड डिसोझा (वय 20, कामराभाट).

Related Stories

संतोबा देसाई ग्रुपतर्फे मजुरांच्या जेवणाची सोय

Omkar B

निरिक्षक सागर एकोस्कर यांना निलंबित करावे

Patil_p

मेळावलीत आंदोलक बनले सतर्क

Patil_p

वास्कोतील अपघातात पादचारी ठार

Amit Kulkarni

ताळगाव पंचायत मनपात विसर्जित करण्याचा प्रस्ताव

Patil_p

वास्को शहर व परिसरात चौथ्या दिवशीही उत्स्फूर्त बंद

Patil_p
error: Content is protected !!