तरुण भारत

कागल तहसिलदारांनी करनूर पूरग्रस्तांच्या जाणुन घेतल्या अडचणी

वार्ताहर / वंदूर

गतवर्षाची महापूराची ग्रामस्थानी घेतलेली धास्ती पाहता आणि पुरग्रस्तांची तळमळ पाहता कागलच्या तहसिलदार शिल्पा ठोकडे यांनी करनूर गावास भेट दिली. पुरग्रस्तांची प्रत्यक्ष भेट घेवून त्यांची व्यथा जाणून घेतली. व यातून लवकरच सुखकर मार्ग काढू असे अभिवचन त्यानी दिले.

करनूरला गेल्यावर्षी महापुराने विळखा घातला होता. त्यामध्ये अनेक जणांच्या घरांमध्ये पाणी शिरले होते. याहीवर्षी पुरचा धोका पाहुन. ग्रामपंचायतीने पावसाच्या सुरुवातीला आम्ही कोणत्याही प्रकारची जबाबदारी घेणार नाही .पूरपरिस्थितीमधे आपण काळजी घेऊन योग्य त्या ठिकाणी स्थलांतर व्हावे. अशा प्रकारच्या नोटिसा पाठवल्या होत्या. त्यानंतर ग्रामस्थांनी ग्रामपंचायत मध्ये जाऊन आम्हाला जागा मिळावी अशा मागणीचे निवेदन दिले.

त्यानंतर पुरग्रस्तांनी तहसीलदार कार्यालय मध्ये जाऊन तहसीलदार शिल्पा ठोकडे यांची भेट घेऊन त्यांना पूरस्थिती कल्पना दिली. तात्काळ तहसीलदार शिल्पा ठोकडे यांनी करनूर गावास भेट देऊन परिस्थितीची पाहणी करून तसेच गावठाण येथे शिल्लक असलेल्या जागेची पाहणी केली व पूरग्रस्त लोकांना जागा उपलब्ध करून देणार असल्याचे आश्वासन दिले. यावेळी साजिद शेख , हैदरअली शेख , इम्रान नायकवडी ,दशरथ नलवडे, बाळासो हा.शेख , कासम शेख ,शकील शेख, अनिल नलवडे समीर शेख, राजूअालासे , रहमान शेख कलंदर शेख ,शरपूद्दिन आलासे आदी उपस्थित होते.

Related Stories

बेटी बचाव फाऊंडेशनमार्फत स्कूल बॅगचे वाटप

Abhijeet Shinde

सेनापती कापशी परिसरात टस्करचा धुमाकूळ

Abhijeet Shinde

लॉकडाऊन काळातील वीज बिले मागील बिलांप्रमाणे दुरुस्त करून द्या

Abhijeet Shinde

…तर दोन्ही मंत्र्यांना पाच नद्यांच्या पाण्याने अंघोळ

Abhijeet Shinde

किटवाड-ढोलगरवाडी रस्त्याचे काम दर्जाहीन

Abhijeet Shinde

`सावित्रीबाई फुले’ मध्ये लवकरच हृदयरोग तपासणी विभाग

Abhijeet Shinde
error: Content is protected !!