तरुण भारत

ऑनलाईन पाहायला मिळणार कुस्तीचा थरार

कुस्ती मल्लविद्या महासंघाचे आयोजन : विना प्रेक्षक होणार कुस्ती मैदान : भारतातील पहिला प्रयोग

वार्ताहर / खानापूर

भारतातील पहिल्या विना प्रेक्षक ऑनलाईन कुस्ती दंगलीचे आयोजन कुस्ती मल्लविद्या महासंघ महाराष्ट्र राज्य यांच्यातर्फे करण्यात आले असून अनेक लहान मोठ्या कुस्त्या या मैदानात लावण्यात येणार आहेत. सध्या कोरोना विषाणूच्या पार्श्वभूमीवर भारतात कुस्ती मैदान भरवण्यास पूर्णपणे मनाई करण्यात आली आहे. मात्र लाखो रुपये खर्च करून पैलवानांनी तब्येत राखली आहे. कुस्ती मैदान बंद असल्याने खुराखचा खर्च वाया जात आहे. या पार्श्वभूमीवर कुस्ती मल्लविद्या महासंघाच्या मैदानास महत्त्व प्राप्त झाले असून रविवारी दुपारी तीन वाजल्यापासून या मैदानाचा ऑनलाईन लाभ घ्यावा असे आवाहन सांगली जिल्हा प्रमुख पै. प्रवीण शिंदे व कार्याध्यक्ष सिद्धेश्वर गायकवाड यांनी केले आहे.

कुस्ती म्हणलं की बलदंड पैलवान, त्यांच्या शड्डूचा आवाज आणि प्रेक्षकांच्या कल्लोळ असे काहीसे समीकरण आजपर्यंत पाहायला मिळाले आहे. कोरोना विषाणूच्या महामारीच्या पार्श्वभूमीवर सोशल डिस्टनसिंगचे कारण देत कुस्ती मैदाने बंद करण्यात आली. त्यामुळे पैलवानांच्या शड्डू आवाजच बंद झाला होता. आता हा शड्डू कुस्ती मैदानात पाहायला कधी मिळेल सांगता येणार नाही. म्हणूनच कुस्ती मल्लविद्या महासंघाचे संस्थापक अध्यक्ष गणेश मानुगडे यांच्या संकल्पनेतून कुस्ती मैदानाचे आयोजन करण्यात आले असून या मैदानातील सर्व कुस्त्या सोशल मीडियावर ऑनलाईन पाहायला मिळणार आहेत. हा आपल्या देशात प्रायोगिक तत्वावर पहिलाच प्रयोग केला जात आहे. अशी अनेक मैदाने दर महिन्याला भरवली जाणार आहेत.

या कुस्ती मैदानात आयोजित प्रेक्षणीय लढती पुढील प्रमाणे

पै संतोष दोरवड (उप महाराष्ट्र केसरी) विरुद्ध पै विष्णुपंत खोसे (युवा महाराष्ट्र केसरी, भारतीय सेनादल), पै विक्रम वडतीले (महाराष्ट्र पोलीस दल) विरुद्ध पै रवींद्र शेडगे (महाराष्ट्र चॅम्पियन), पै आशिष वावरे (राष्ट्रीय विद्यापीठ विजेता) विरुद्ध पै शशिकांत बोंगार्डे (राष्ट्रीय विजेता), पै अनिकेत गावडे विरुद्ध पै ओंकार जाधव तसेच लहान वजन गटात तीन लढती होणार आहेत. या कुस्त्या खालील लिंकद्वारे सुद्धा पहायला मिळणार असून याचा लाभ कुस्ती शौकिनांनी घ्यावा असे आवाहन मैदानाचे प्रायोजक व जिल्हा कार्याध्यक्ष सिद्धेश्वर गायकवाड यांनी केले आहे.

https://youtu.be/AGGHdsxEc2I

Related Stories

अलमट्टी धरणातून अडीच लाख क्युसेक पाण्याचा विसर्ग सुरु

Abhijeet Shinde

सांगली : कर्जाला कंटाळून द्राक्षबागायतदार शेतकऱ्याची आत्महत्या

Sumit Tambekar

प्रामाणिक कष्ट व सकारात्मक दृष्टिकोन ठेवल्यास यश निश्चित : पोलीस उपअधीक्षक कृष्णात पिंगळे

Abhijeet Shinde

तासगाव तालुक्यात कोरोना रुग्णांची हजारी पार

Abhijeet Shinde

कंटेनमेंट झोन बाहेरील व्यायामशाळांना सुरू करण्यास जिल्हा प्रशासनाची परवानगी

Abhijeet Shinde

सांगली : पलूस तालुक्यात ६ नवे कोरोना बाधीत

Abhijeet Shinde
error: Content is protected !!