तरुण भारत

आष्ट्यात बापलेकास मारहाण : चौघांवर गुन्हा नोंद

आष्टा / वार्ताहर

आष्टा येथील बाप लेकास मोबाईलच्या तसेच जागेच्या कारणावरून लोखंडी गज तसेच काठीने मारहाण करून जखमी करण्यात आले या प्रकरणी पोलिसांनी चौघांवर गुन्हा नोंद केला आहे. अजित विजय जाधव व विजय पांडुरंग जाधव राहणार आष्टा असे या घटनेत जखमी झालेल्या बाप-लेकांची नावे असून पोलिसांनी संशयित आरोपी वसंत संपत औताडे, विक्रम प्रदीप घाडगे, नरेश घाडगे यांचेसह अन्य एका अनोळखीवर गुन्हा नोंद केला आहे.

याबाबत आष्टा पोलीस ठाण्यात विजय पांडुरंग जाधव यांनी फिर्याद दिली आहे. विजय जाधव यांनी फिर्यादीत म्हटले आहे की, दिनांक १६ रोजी सहाच्या सुमारास मला व माझा मुलगा अजित यास वसंत संपत औताडे यांच्या सांगण्यावरून विक्रम घाडगे, नरेश घाडगे व अन्य एका अनोळखीने आम्हाला जीवे मारण्याच्या उद्देशाने लोखंडी पारेने तसेच काठीने मारहाण करून अजित औताडे यास गंभीर जखमी केले. तसेच मलाही शिवीगाळ करीत लाथाबुक्क्यांनी मारहाण केली. यावेळी संशयित आरोपींनी पाच हजार रुपयांची खंडणीही मागितली. याबाबत आष्टा पोलिसांनी चौघांवर गुन्हा दाखल केला आहे.

Related Stories

सावळीत फोटोग्राफरची लुटमार, १ लाख ३४ हजारांचे साहित्य चोरले

Abhijeet Shinde

रामपूर येथे दुचाकीवरून पडल्याने एकाचा मृत्यू

Abhijeet Shinde

शेतमालाच्या घसरलेल्या किंमती संबधी राज्यस्तरीय बैठक लावणार – शेतकरी संघटना

Abhijeet Shinde

माधवनगर, बुधगाव, कवलापूरची नगरपालिकेच्या दिशेने वाटचाल

Abhijeet Shinde

सांगली : नवकृष्णा व्हॅली शाळेसमोर तब्बल १० मोठ्या झाडांची कत्तल

Abhijeet Shinde

सांगली : तासगाव तालुक्‍यात आज 64 रुग्ण

Abhijeet Shinde
error: Content is protected !!