तरुण भारत

मांद्रे येथील देवी महालक्ष्मीचे पूजन

वार्ताहर/ पालये

कोरोना संकट दूर होऊन समस्त मानव जातीला चांगले आरोग्य लाभावे यासाठी मांद्रे येथील महालक्ष्मी मंदिरात ऍड. रमाकांत खलप यांच्या यजमानाखाली देवी महालक्ष्मीचे वार्षिक पूजन आणि देवीला गाऱहाणे घालण्यात आले.

Advertisements

मांद्रे येथील सप्तेश्वर उच्च माध्यमिक विद्यालयाच्या प्रांगणात ऍड. खलप यांनी महालक्ष्मीचे मंदिर उभारले असून, दरवर्षी घटस्थापनेच्यावेळी या देवीचे खास पूजन करण्यात येते. आज नवरात्रीच्या पहिल्या दिवशी पुरोहित आनंद बर्वे यांच्या पौराहित्याखाली देवीचे पूजन करण्यात आले. तसेच समस्त मानवजातीवर आलेले कोरोनाचे संकट दूर करून मुलांच्या शाळा पूर्ववत सुरू व्हाव्यात यासाठी देवीमातेला खास गाऱहाणे घालण्यात आले.

यावेळी कार्यक्रमाला सप्तेश्वर, उच्च माध्यमिक विद्यालय, मांद्रे कॉलेज ऑफ कॉमर्स व आर. डी खलप हायस्कूलचे शिक्षक, कर्मचारी व विद्यार्थीवर्ग उपस्थित होते तसेच व्यवस्थापन समितीचे ऍड. अमित सावंत उपस्थित होते.

या सर्वांना ऍड. खलप यांनी मार्गदर्शन करून विद्यार्थ्यांना चांगले शिक्षण देण्यासाठी कार्य करण्याची विनंती केली. तसेच सरकारने मांद्रे कॉलेज ऑफ कॉमर्सच्या भवितव्याच्या विचार करून त्याला अनुदान देण्यासाठी प्रयत्न करावे असे आपल्या भाषणातून सांगितले.

Related Stories

आमदार नीळकंठ हळर्णकर यांचा वाढदिवस साध्या पद्धतीने

Amit Kulkarni

आठ तालुक्यातील वादळग्रस्तांना 20.66 लाखांची भरपाई मंजूर

Amit Kulkarni

बादेगाळ – पैंगीण येथे झाडीत प्राचीन शिवलिंग आढळले

Amit Kulkarni

एनएसयुआयच्या तीन विद्यार्थ्यांना घेतले ताब्यात

Amit Kulkarni

मुख्यमंत्र्यासह वाहतुकमंत्री व आमदारांविरूध्द काँग्रेसची पोलीस तक्रार, कारवाईची मागणी

Omkar B

धेंपो स्पोर्ट्स क्लबची जर्सी कोविड वॉरियर्सना समर्पित

Omkar B
error: Content is protected !!