तरुण भारत

सावर्डे येथील दत्त व शिवक्रांती सहकारी संस्थेत ९७ लाखांचा घोटाळा

३२ जणांवर गुन्हा दाखल

पेठ वडगाव / प्रतिनिधी

सावर्डे ता.हातकणंगले येथील वडगांव बाजार समितीचे माजी संचालक नितीन चव्हाण यांचा गटाच्या दत्त विकास सेवा संस्था व शिवक्रांती विविध कार्यकारी सेवा संस्थेत ९७  लाखाचा अपहार झाला असल्याची फिर्याद लेखापरीक्षक यांनी वडगांव पोलीस ठाण्यात दिली आहे. दरम्यान या घटनेने तालुक्यातील सहकार क्षेत्रात खळबळ उडाली असून या संस्थेत संचालक असलेल्या विद्यमान सरपंच सुरेखा चव्हाण यांच्यासह बाजार समितीचे माजी संचालक नितीन चव्हाण यांचेसह दोन्ही संस्थेचे चेअरमन, व्हाइस चेअरमन, संचालक, बँक निरीक्षक, सचिव अशा ३२ जणावर गुन्हे दाखल झाले आहेत.

या बाबत अधिक माहिती अशी की, वडगांव शेती उत्पन्न बाजार समितीचे माजी संचालक नितीन चव्हाण यांच्या दत्त विकास सेवा संस्थेत आर्थिक घोटाळ्याबाबत तक्रार झाली होती. यानुसार जिल्हा उपनिबंधक कार्यालयाचे उपनिबंधक अनिल पैलवान यांनी परीक्षणात ६१ लाख तीस हजार सहाशे सत्तावीस घोटाळा झाल्याचे उघडकीस आणले. यामध्ये संचालक मंडळाने ताळेबंदास बनावट बोगस येणे कर्ज दर्शवून सभासद व कर्जदाराकडून कर्जापोटी रोखीने आलेल्या रक्कमा वसुली रीतसर जमा पावती काढून संबंधित कर्जास व किर्दीस जमा न घेता येणे कर्जबाकी आहे तशीच ठेवून रोखीने जमा झालेल्या रक्कमेची संगनमताने स्वतःच्या फायद्याकरीता गैरव्यवहार व अपहार करून ऊसपीक कर्ज, पोकळ येणे, खावटी कर्ज, पोकळ जमा अशा रक्कमा दाखवून सभासदांची संस्थेची व कर्जपुरवठा करणार्या बॅंकेची ६१ लाख ३० हजार रुपयांचा अपहार करून फसवणूक केल्याचे निदर्शनास आले आहे.

      यानुसार संस्थेचे संचालक नितीन विष्णू चव्हाण, सरपंच सुरेखा नितीन चव्हाण, सचिव संतोष गुलाबराव  पाटील, संचालक भैरवनाथ शंकर पाटील, बापूसो यशवंत भोसले, संजय शिवाजी चव्हाण, सुदाम शिवाजी इंगवले, सुशांत जगन्नाथ पाटील, बाबासो बाळासो चव्हाण, बाळासो संभा चौगुले, विकास हंबीरराव चव्हाण, विश्वास तुकाराम यादव, तानाजी भगवान शेळके, अय्याज इस्माईल मोमीन, सचिन जगन्नाथ कांबळे, आशादेवी रमेश भोसले, बँक निरीक्षक  कुमार भिमराव पाटील यांच्यावर गुन्हा दाखल झाला आहे.
दरम्यान शिवक्रांती विविध कार्यकारी सेवा संस्थेतही बनावट कर्जे दाखवून ३६ लाख तेरा हजार रुपयांचा अपहार संचालकांनी केल्याची फिर्याद लेखापरीक्षक रघुनाथ भोसले यांनी वडगांव पोलीस ठाण्यात दिली आहे.

याप्रकरणी सचिव संतोष गुलाबराव पाटील, संचालक संभाजी राजाराम चव्हाण, गणपतराव शामराव चव्हाण, सचिन विष्णू चव्हाण, अभय भिमराव चौगुले, गजाजन यशवंत खाडे, किरण दिनकर मगदूम, दत्तात्रय आत्माराम पाटील, अजित विजयसिंह देसाई, इकबाल इलाही मुल्ला, संतोष बाबुराव शेळके, भागवत भिमराव कांबळे, सविता माणिक चव्हाण, सुनीता संजय मगदूम (  सर्व रा. सावर्डे ) तर कुमार पाटील (रा.खोची) यांच्यावर वडगांव पोलीस ठाण्यात गुन्हा दाखल झाला आहे.या प्रकरणी तपास पोलीस निरीक्षक प्रदीप काळे हे करीत आहेत.

Advertisements

Related Stories

चांदोली धरणातून वीस हजार क्यसेसने विसर्ग कमी

Abhijeet Shinde

कोरोनाच्या पार्श्वभूमीवर तरुण मंडळांनी गणेशोत्सव साधेपणाने साजरा करावा: आ.ऋतुराज पाटील

Abhijeet Shinde

एसटी संपाला वाढता पाठिंबा

Sumit Tambekar

कोल्हापूर : कळंब्यातील जुगार अड्यावर छापा ; शस्त्रासह सुमारे ७ लाखाचा मुद्देमाल जप्त

Abhijeet Shinde

पोलिसांनी रोखल्याने मानखुर्द चेकपोस्टवर सदाभाऊ खोत यांचे ठिय्या आंदोलन

Sumit Tambekar

वीजबिल माफ करा अन्यथा रक्तकंदन

Abhijeet Shinde
error: Content is protected !!