तरुण भारत

‘कॉमन’मध्येच मोफत वीजेचा मुद्दा नाही

ऊर्जा राज्यमंत्री प्राजक्त तनपुरेंची माहिती

प्रतिनिधी / पुणे

Advertisements

राज्यामध्ये तिन्ही पक्षांनी एकत्र येऊन बनविलेल्या किमान समान कार्यक्रमामध्ये 100 युनिटपर्यंत वीज मोफत देण्याचा कुठलाच विषय नव्हता, असे ऊर्जा राज्यमंत्री प्राजक्त तनपुरे यांनी शनिवारी येथे स्पष्ट केले. ऊर्जामंत्री नितीन राऊत यांनी यासंदर्भात केवळ इच्छा व्यक्त केली होती. त्यानुसार समितीचा अहवाल आल्यावर पाहू, असेही त्यांनी स्पष्ट केले.

याबाबत नगरमध्ये ते बोलत होते. ऊर्जामंत्री नितीन राऊत यांनी 100 युनिटपर्यंत वीज मोफत देण्याची घोषणा केली होती. मात्र, याबाबत सरकारने घूमजाव केल्याने टीका होत आहे. त्यावर तनपुरे यांनी ही प्रतिक्रिया दिली. 100 युनिट मोफत देण्याचा विषय कॅबिनेटमध्ये पडताळणी करून पाहण्यास सांगण्यात आले होते. ही वीज माफ करण्याची मंत्री राऊत यांची इच्छा आहे. त्यासाठी समितीदेखील नेमण्यात आली असून, समितीचा अद्याप अहवाल आलेला नाही. समितीचा अहवाल आल्यावर सर्व काही स्पष्ट होईल. काही दिवसांतील परिस्थिती पाहता मी त्यावर मत व्यक्त करणे उचित ठरणार नाही. किंबहुना वीज मोफत देण्याची राऊत यांची इच्छा होती व त्यानुसार समितीचे काम सुरू आहे. मात्र, सरकार स्थापन करताना तिन्ही पक्षांनी एकत्र येऊन जो कॉमन मिनिमम प्रोग्राम केला व ज्या आधारावर हे सरकार बनले, त्यामध्ये असा कुठलाही विषय नव्हता. तथापि, इतर दोन्ही पक्षांना हे मान्य झाले व आर्थिकदृष्ट्या येणारा खर्च सरकारला झेपणारा असेल, तर ते आगामी काळात याबाबत काही होऊ शकेल, असेही त्यांनी सांगितले.

भाजपानेही त्यांच्या काळात सर्व स्थिती अनुभवली आहे. सरकारला सवलत देणे कितपत शक्मय आहे, हे त्यांना चांगलेच माहिती आहे. मात्र, कुणी कुठला मुद्दा उचलावा, हा त्या-त्या पक्षाचा अजेंडा आहे, असा टोलाही त्यांनी लगावला.

Related Stories

आषाढीला “विठ्ठल”च ठरला मानाचा वारकरी

Shankar_P

शस्त्रक्रिया परवानगीवरून आयएमए आणि आयुष कृती समिती आमने सामने

pradnya p

आता एटीएम व्हॅनची सुविधा

Patil_p

कर्मवीर भाऊराव पाटील यांच्या पुण्यतिथीनिमित्त उपमुख्यमंत्र्यांचे अभिवादन!

triratna

अंनिसची फसवे विज्ञान विरोधी ऑनलाईन व्याख्यानमाला

triratna

ग्रामपंचायत निवडणुकीची उद्यापासून रणधुमाळी

Patil_p
error: Content is protected !!