तरुण भारत

कृषी विकासासाठी पंचवार्षिक योजना तयार करा

मुख्यमंत्र्यांची अधिकाऱयांना सूचना

प्रतिनिधी/ पणजी

गोव्यातील कृषी विकासासाठी पंचवार्षिक योजना गरजेची असून ती तयार करावी, अशी सूचना यांनी आयसीएआर कर्मचारी व अधिकारीवर्गाला केली.

आल्तिनो-पणजी येथील आपल्या निवासस्थानी घेतलेल्या आयसीएआर बैठकीत ते बोलत होते.

ते म्हणाले शेतीचे नवे तंत्रज्ञान आजच्या शेतकऱयांना आत्मसात होण्यासाठी पंचवार्षिक कृती योजनेचा आराखडा तयार करून कृषी उत्पादन वाढवावे. त्याकरीता हवे असल्यास नोकरभरती करावी. गोव्यात कृषी संवर्धन, उत्पादन विकास यासाठी भरपूर वाव असून फक्त तेथे लक्ष देणे आवश्यक आहे, असे डॉ. सावंत यांनी नमूद केले. आयसीएआरच्या उत्तर गोवा आणि दक्षिण गोवामधील कर्मचारी अधिकारीवर्गाने एकत्र येऊन संयुक्तपणे काम करावे व पंचवार्षिक आराखडा, कृती योजना तयार करावी, असेही मुख्यमंत्री म्हणाले.

आयसीएआरचे संचालक डॉ. इ. व्ही चाकुसकर यांनी स्वागत व प्रास्ताविक केले व बैठकीचा हेतू सांगितला. कृषी उत्पादनासाठी शेतकरीवर्ग व इतरांना उत्तेजन देण्यासाठी तसेच त्यांचे उत्पन्न वाढविण्यासाठी आणि स्वयंपूर्ण गोवाचे उद्दिष्टय़ साकार व्हावे म्हणून प्रयत्न करण्याचे आश्वासन दिले. विविध खात्याचे संचालक, अधिकारी त्या बैठकीस उपस्थित होते.

Related Stories

कोविड हॉस्पिटलात झाला बाळाचा जन्म

tarunbharat

तळावली येथील दसरोत्सवाची आज सांगता

Patil_p

गोवा राखून ठेवण्यासाठी युवा पिढीने आवाज उठविण्याची गरज

Amit Kulkarni

पद्मभूषण लक्ष्मण पै फोंडेकर यांनी घेतली कोरोना प्रतिबंधक लस

Amit Kulkarni

बेडकांची शिकार करणे पडणार महागात

Omkar B

आईच्या टाहोने पोलिसांच्या डोळय़ात तरारले पाणी ….

Omkar B
error: Content is protected !!