तरुण भारत

मानेवाडी येथे अल्पवयीन मुलीचा विनयभंग करून घरावर दगडफेक

गाव गुंडाची दहशत मोडण्यात पोलीस ही अपयशी ?


धामोड / वार्ताहर

Advertisements

कोतेपैकी मानेवाडी (ता राधानगरी )येथील युवकाने अल्पवयीन मुलीचा विनयभंग केला . सदर घटना मुलीने घरच्याना सांगितली म्हणुन संबंधित युवकाने मुलीच्या घरावर दगडफेक करून दहशत माजवण्याचा प्रकार केला आहे. याबत राधानगरी पोलीसांनी एकाला अटक केली आहे . कुरणेवाडी येथील अल्पवयीन मुलीवर नातलगानेच बलात्कार केल्याची घटना ताजी असतानाच काही तासातच मानेवाडी येथेही विनयभंगाची घटना घडल्याने तुळशी खोऱ्यात एकच खळबळ माजली आहे.

मानेवाडी येथे पिडीत मुलीच्या वडीलांचे किराणा मालाचे दुकान आहे. पप्पु विठ्ठल माने याने दुकानात गोळ्या व चॉकलेट घेण्याच्या बहाण्याने संबंधित मुलीचा विनयभंग केला. यावेळी मुलीने आरडा ओरड करताच युवकाने पलायन केले. तर घडल्या प्रसंगामुळे पीडित मुलगी दुकानात बेशुध्द पडली.

त्यानंतर सदर घटना मुलीने आपल्या आई वडीलांना का सांगीतली ? म्हणून संबंधित युवकाने पुन्हा येवुन मुलीच्या घरावर व दुकानावर दगडफेक करत दहशत माजवण्याचा प्रयत्न केला. यामध्ये दुकानाचे नुकसान झाले आहे. राधानगरी पोलिसात गुन्हा दाखल होताच संबंधित तरुणाला पोलिसांनी ताब्यात घेतले. त्यानंतरही रात्री उशीरा अज्ञात लोकांनी पुन्हा संबंधित पिडित मुलीच्या वडिलाच्या बंद दुकानावर दगड फेक केल्याची घटना घडली आहे.

सदर घटनेचा राधानगरी पोलीसात गुन्हा नोंद झाला असून पप्पु विठ्ठल माने याला अटक करून त्याच्यावर पोक्सो अंतर्गत गुन्हा नोंद केला आहे. अधिक तपास पोलीस उपनिरीक्षक एम एच शेख करत आहेत.

गावात गुंडाची दहशत..!

मानेवाडी येथील बहूसंख्य तरुण सेंट्रींग कामगार असून अनेकांच्या हातात पैसा खेळत आहे. परिणामी यातील अनेक तरुण वाम मार्गाला लागले असून यातील आरोपी पप्पू माने यांच्यासह आणखी काही तरुणांची गावात प्रचंड दहशत आहे. आतापर्यंत या गावगुंडानी अनेकांना नाहक त्रास देत वेळोवेळी मारहाण केली आहे. या अगोदर या टोळीचे कारनामे पोलीस स्टेशनपर्यत गेले आहेत. तरी गावातील सदर गुंडाचीं दहशत मोडण्याचे काम पोलिस करणार का ? असा प्रश्न सर्वसामान्यातून व्यक्त होत आहे.

Related Stories

कोल्हापुरात निवडणुकीनंतर महाविकास आघाडी; काँग्रेस स्वतंत्र लढणार : सतेज पाटील

Abhijeet Shinde

कोल्हापूर : बर्ड फ्ल्युच्या पार्श्वभूमीवर जिल्हा प्रशासन अलर्ट; रॅपिड रिस्पॉन्स टीम सज्ज

Abhijeet Shinde

भादोलेतील अनोळखी महिलेच्या मृतदेहाची ओळख पटली

Abhijeet Shinde

कोल्हापूर जिल्हय़ात कोरोनाचे सहा बळी

Abhijeet Shinde

बेटी बचाव फाऊंडेशनमार्फत स्कूल बॅगचे वाटप

Abhijeet Shinde

लवकरच बैलगाडा शर्यतीचा धुरळा उडणार

Sumit Tambekar
error: Content is protected !!