तरुण भारत

भात विक्रीसाठी शेतकऱयांचा चांगला प्रतिसाद

कणकवली शेतकरी संघात शेतकऱयांच्या सकाळपासून विक्रीसाठी रांगा

प्रतिनिधी / कणकवली:

शासनामार्फत यावर्षी भात खरेदी वेळेत सुरू करण्यात आल्याने भात विक्रीसाठी शेतकऱयांकडून चांगला प्रतिसाद मिळत आहे. शेतकरी सकाळपासूनच भात विक्रीसाठी भात घेऊन येत असल्याचे दिसत आहे. येथील खरेदी विक्री संघात शनिवारी भात घेऊन आलेल्या शेतकऱयांनी सकाळी 7 वा. पासूनच नंबर लावले होते.

कणकवली तालुका शेतकरी सहकारी खरेदी विक्री संघाने गेल्या आठवडय़ापासून  भात खरेदीसाठी सुरूवात केली आहे. यावर्षी 1868 रुपये भाताला देण्यात आलेल्या हमीभावासोबतच 700 रुपये बोनस शासनाने जाहीर केला आहे. त्यामुळे 2568 रुपये एवढा भाव प्रतिक्विंटल मिळणार आहे. तालुका खरेदी विक्री संघाने यावर्षी आठवडय़ाभरापूर्वी भात खरेदी सुरू केल्यानंतर पहिल्या टप्प्यातच आतापर्यंत 758 क्विंटल भाताची खरेदी करण्यात आली आहे. शेतकऱयांचा प्रतिसाद पहाता यावर्षी भात खरेदी चांगल्याप्रकारे होण्याची शक्यता दिसत आहे. यावर्षी कनेडी व फोंडाघाट येथेही भात खरेदी सुरू करण्यात आली आहे.

भात खरेदी वेळेत सुरू करण्यात आल्याने शेतकरी खासगीरित्या भात विकत नाहीत. परिणामी शेतकऱयांनाही चार पैसे मिळत आहेत. तसेच या भात खरेदीमध्ये शेतकऱयांच्या बँक खात्यावर पैसे जमा होत आहेत. त्यामुळे शेतकरीवर्गातून समाधान व्यक्त करण्यात येत आहे.

Related Stories

दुर्गेवाडीत 50 हजाराचा लाकूड साठा जप्त

Patil_p

डॉ. संघमित्रा फुले प्रभारी जिल्हा शल्य चिकित्सक म्हणून नियुक्त

Shankar_P

रत्नागिरी जिल्ह्यात 4 नवे रुग्ण,बाधितांची संख्या 86 वर

triratna

100 टक्के यशासाठी धुणी भांडी करत निलमने मिळवले 73 टक्के गुण

Patil_p

वेंगुर्ल्यातील ‘लाईटहाऊस’ अंधारात

NIKHIL_N

किल्ले, दुर्ग, स्मारके पर्यटकांसाठी खुली

NIKHIL_N
error: Content is protected !!