तरुण भारत

कोरोना काळात शरिरसंपदेचे महत्व अधोरेखित : चंद्रकांत पाटील

ऑनलाईन टीम / पुणे :

कोरोना आपत्तीमुळे धनसंपदेपेक्षा शरिरसंपदा महत्त्वाची आहे हे अधोरेखित झाले आहे़. सुसज्ज व्यायामशाळा ही आज गरज निर्माण झाली असून, पुरूषांबरोबरच महिलांनाही व्यायामशाळा उपलब्ध करून देण्याची गरज असल्याचे भाजपचे प्रदेशाध्यक्ष चंद्रकांत पाटील यांनी व्यक्त केली.

राष्ट्रीय युवा दिनाचे औचित्य साधून पुणे महापालिका व युवा स्वराज्य प्रतिष्ठान यांच्या संयुक्त विद्यमाने उभारण्यात आलेल्या पेहेलवान जीमचे उद्घाटन पाटील यांच्या हस्ते करण्यात आले. त्यावेळी ते बोलत होते. यावेळी खासदार गिरीष बापट, स्थायी समिती अध्यक्ष हेमंत रासने, संघटक सरचिटणीस राजेश पांडे, वनराईचे अध्यक्ष रविंद्र धारिया आदी उपस्थित होते.

चंद्रकांत पाटील म्हणाले, नगरसेवकांनी आपण एका प्रभागाचे नगरसेवक आहोत ही भावना न ठेवता, संपूर्ण शहराचे व्हिजन डोळ्यासमोर ठेऊन काम केले पाहिजे. रस्ते, गटर यात न अडकता शहराची काय आवश्यकता आहे ती पूर्ण करणे ही नगरसेवकांकडून नागरिकांची अपेक्षा असते, ती पूर्ण करण्यासाठी नगरसेवकांनी प्रयत्न करावेत.

  • तीन पैलवान एकत्र आले तरी महापालिका जिंकू

पुणेकर जनता आमच्या बरोबर आहे, त्यामुळे आमच्या विरुद्ध तीन तीन पैलवान एकत्र आले तरी आम्ही पुण्याची महापालिका जिंकू. याबद्दल माझ्या मनात शंका नाही असेही यावेळी पाटील यांनी सांगितले.

एका प्रभागातील चार नगरसेवक एकत्र आल्यावर किती चांगले काम होते. याचे उत्तम उदाहरण या पेहेलवान जीमच्या माध्यमातून व पोटे यांच्या प्रभागातून दिसून येत असल्याचे खासदार बापट यांनी सांगितले.

आपल्या प्रास्ताविकपर भाषणात दीपक पोटे यांनी पेहेलवान जीम मागील संकल्पना विशष करून, ही जीम प्रति दिन दहा रूपये शुल्काने उपलब्ध होणार असल्याचे सांगितले.

Related Stories

सोलापूर शहर ८८तर ग्रामीणमध्ये ४९ रुग्णांची भर

triratna

शंभर वर्षातील गडद संकट

Patil_p

पुणे विभागातील 4 लाख 8 हजार 495 रुग्ण कोरोनामुक्त!

pradnya p

जिल्हा ग्राहक न्यायालयात 40 हजार तक्रारी प्रलंबित; पदेही रिक्त

pradnya p

31 डिसेंबर रोजी वाहतूक सुरक्षा, कोविड सुरक्षा मोहीम

pradnya p

युवकांमधील गुणवत्तेला त्या त्या क्षेत्रातील विशेष शिक्षणाची जोड गरजेची

pradnya p
error: Content is protected !!