तरुण भारत

‘कोव्हिशिल्ड’ डोस गोव्यात दाखल

सरकारी, खासगी आरोग्य कर्मचाऱयांना देणार

प्रतिनिधी/ पणजी

कोरोना लसीकरणासाठी 23,500 ‘काव्हिशिल्ड’ हे डोस गोव्यात पोहोचले असून शनिवार दि. 16 जानेवारीपासून सरकारी व खासगी हॉस्पिटलातील आरोग्य कर्मचाऱयांना ते देण्यात येणार आहेत.

‘कोव्हिशिल्ड’ नामक लसीचे दोन बॉक्स काल बुधवारी सकाळी दाबोळी विमानतळावर पोहोचले. आरोग्य खात्यातर्फे ते ताब्यात घेऊन योग्य त्या ठिकाणी साठवणूक करुन ठेवण्यात आले असल्याची माहिती मुख्यमंत्री डॉ. प्रमोद सावंत यांनी दिली. सीरम इन्स्टिटय़ूट ऑफ इंडियातर्फे पुणे येथून ते डोस आल्याची माहिती आरोग्य खात्याच्या सूत्रांनी दिली.

पहिल्या टप्प्यातील गोव्यात आलेले हे डोस आरोग्य कर्मचाऱयांना देण्याची योजना असून सरकारने निश्चित केलेल्या एकूण 8 इस्पितळातून त्या डोसचे वितरण करण्यात येणार आहे. आरोग्य केंद्रातूनही प्रत्येकी 100 डोस दिले जाणार असल्याचे सांगण्यात आले.

सरकारी व खासगी इस्पितळातील सुमारे 19,000 आरोग्य कर्मचाऱयांना गोव्यात आलेले हे डोस प्रथम देण्यात येतील. त्यानंतर दुसऱया टप्प्यातील डोस हे आजारी माणसांना दिले जातील आणि मग तिसऱया टप्प्यातील डोस सर्वसामन्य जनतेला मिळणार असल्याची माहिती सूत्रांनी दिली.

Related Stories

पोस्टर पेंटींग स्पर्धेत यश कुंडईकरचे यश

Patil_p

कोरोन्टाईनच्या नावाखाली पोलिसांनी रात्रभर गोमंतकीय विद्यार्थ्यांना मोले चेकपोस्टवर अडवून ठेवले

Omkar B

कोरोना, म्हादईच्या प्रश्नावर सरकार अपयशी

Omkar B

लोकसेवा आयोगाच्या स्थगित परीक्षा नोव्हेंबरमध्ये

Patil_p

कोलवाळ तुरुंगात निकृष्ट जेवण आदी समस्या सोडवाव्यात

Patil_p

बोर्डे डिचोलीतील अग्निदिव्य मार्गक्रमण डोळे दिपवणारे

Amit Kulkarni
error: Content is protected !!