तरुण भारत

एस.टी.महामंडळाच्या वाहकास मारहाण

सातारा तालुक्यातील घटना : दोन युवकांवर गुन्हा, एकास अटक

प्रतिनिधी / सातारा

सातारा तालुक्यातील मोरेवाडीत एस. टी. बस घेवून गेल्यानंतर बस थांबवून प्रवासी उतरवत असताना रस्त्याच्या कडेला असलेल्या पाण्याच्या टाकीवरुन वाहकाच्या अंगावर दोन युवकांनी पाणी फेकले. याचा जाब विचारला म्हणून वाहकास मारहाण करुन जखमी करणाऱया केतन नामदेव मोकाशी व सुमित प्रकाश मोरे दोघे (रा. मोरेवाडी, ता. सातारा) यांच्याविरुध्द सातारा तालुका पोलीस ठाण्यात तक्रार झाली आहे. यापैकी एकास अटक करण्यात आली आहे.

याबाबत पोलिसांनी दिलेली माहिती अशी, दि. 24 रोजी सायंकाळी 5.15 वाजता तक्रारदार रणजित हणमंत कुंभार (वय 28, रा. तारळे, ता. पाटण) हे वाहक मोरेवाडीत एस. टी. बस फेरी सोडण्यासाठी चालकासमवेत गेले होते. त्यावेळी गावातील एस. टी. स्टँडवर गाडी थांबवून प्रवाशी उतरत असताना रस्त्याच्या कडेला पाण्याच्या टाकीवर असलेल्या केतन मोकाशी व सुमित मोरे यांनी वाहक कुंभार यांच्या अंगावर पाणी टाकले.

याबाबत जाब विचारल्यावर मोकाशी व मोरे यांनी तू आमच्या गावात आहेस, शहाणपणा करु नको असे म्हणत शिवीगाळ केली. तसेच एस. टी. बसमध्ये चढून वाहक कुंभार यांना खाली ओढले. त्यांना जमिनीवर पाडून त्यांच्या डोक्यात बादली मारली. यात कुंभार जखमी झाले अन त्यांना चक्करही आली. गावकरी जमा झाल्यावर त्यांनी मिटवामिटवी करुन गाडी परत पाठवली. कुंभार यांनी तक्रार दिल्यानंतर मोकाशी व मोरे यांच्यावर शासकीय कामात अडथळा आणल्याप्रकरणी गुन्हा दाखल झाला असून यातील सुमित प्रकाश मोरे याला अटक करण्यात आली आहे. या गुन्हय़ाचा पुढील तपास उपनिरीक्षक फरांदे करत आहेत.

Related Stories

जिह्याची भूजल पातळी वाढली

Patil_p

सावधान : सातारा जिल्ह्यात बाधितांचा आकडा वाढतोय

Shankar_P

सातारा : वाढेचे उपसरपंच भरवणार अनोखी स्पर्धा

triratna

सातारा : निकालाच्या गर्दीत कोरोनाची भीती पाया खाली

datta jadhav

सातारा : गोरगरीबांच्या शिक्षणाकरीता टाकेवाडी शाळेने अवलंबला माणुसकीची भिंत उपक्रम

triratna

बेंदूराच्या साणाच्या मुळावर कोरोना

Patil_p
error: Content is protected !!