तरुण भारत

चिंताजनक : महाराष्ट्रात सलग दुसऱ्या दिवशी 8 हजारपेक्षा अधिक कोरोना रुग्ण

  • सद्यस्थितीत 64 हजार 260 सक्रिय रुग्ण 


ऑनलाईन टीम / मुंबई : 


महाराष्ट्रात दिवसेंदिवस कोरोनाबाधित रुग्णांची संख्या वेगाने वाढतच आहे. राज्यात मागील 24 तासात 8 हजार 702 नवीन कोरोनाबाधित रुग्णांची नोंद झाली असून 56 जणांचा मृत्यू झाला आहे. त्यामुळे राज्यातील एकूण कोरोना बाधितांची संख्या 21 लाख 29 हजार 821 वर पोहचली आहे. तर मृतांचा एकूण आकडा 51 हजार 993 एवढा आहे. 


कालच्या एका दिवसात 3744 रुग्णांना डिस्चार्ज देण्यात आला. तर राज्यात आतापर्यंत 20 लाख 12 हजार 367 रुग्ण कोरोनामुक्त झाले असून, त्यांना डिस्चार्ज देण्यात आला आहे. सद्य स्थितीत राज्यात 64 हजार 260 रुग्ण उपचार घेत आहेत. राज्यात रुग्ण बरे होण्याचे प्रमाण 94.49 % तर मृत्युदर 2.45 इतका आहे. 

  • मुंबईत हजारपेक्षा अधिक रुग्ण 


मुंबईत कालच्या दिवसात 1,145 नव्या कोरोना रुग्णांची नोंद झाली. तर 5 जणांचा मृत्यू झाला. त्यासोबतच 463 जणांना डिस्चार्ज देखील देण्यात आला. त्यामुळे आतापर्यंत कोरोना रुग्णांची एकूण संख्या 3,22,843 वर पोहचली आहे. तर 3,01,520 जण कोरोनामुक्त झाले आहेत. तर मृतांची एकूण संख्या 11,458 इतकी आहे. सद्य स्थितीत 8 हजार 997 रुग्णांवर उपचार सुरु आहेत.

Related Stories

बार्शीत अल्पवयीन मुलीवर अतिप्रसंग, आरोपी अटकेत

triratna

जिह्यात कोरोनामक्ती 11 हजाराच्या पार : 25 बळी, 252 मुक्त

Patil_p

कोल्हापूर महापालिकेला मिळणार पर्मनंट जलअभियंता, आरोग्य अधिकारी

triratna

जितेंद्र आव्हाड यांनी मुख्यमंत्र्यांकडे केली ‘ही’ मागणी

pradnya p

पुणे : शिवाजी मार्केटला भीषण आग; 25 दुकाने जळून खाक

pradnya p

जिल्हयात कोरोनाचा उद्रेक सुरूच

triratna
error: Content is protected !!