वार्ताहर / रांजणी
पिंपळवाडीचे माजी सरपंच रमेश खोत यांचा भाचा अमर उर्फ संतोष जयराम आटपाडकर (वय २५) याला अज्ञात हल्लेखोरांनी भोकसले आहे. ही घटना आज (शनिवारी) सकाळी साडेनऊ वाजण्याच्या सुमारास कवठेमहांकाळ शहरातील धुळगाव रस्त्यावरील मुख्य चौकात घडली. हल्ल्यात अमर आटपाडकरचा मित्र विजय माने हा सुध्दा जखमी झाला आहे.
अमर जयराम आटपाडकर याच्या छातीवर, पोटावर, डोक्यात तसेच शरीरावर इतर ठिकाणी वार करुन अज्ञात हल्लेखोर पसार झाले आहेत.अमर आटपाडकर याची परिस्थिती गंभीर आणि नाजूक आहे असे समजते.