तरुण भारत

भारताचे सहा मुष्टियोद्धे अंतिम फेरीत

वृत्तसंस्था/ नवी दिल्ली

स्पेनमधील कॅस्टेलिनो येथे सुरू असलेल्या 35 व्या बॉक्सम आंतरराष्ट्रीय मुष्टियुद्ध स्पर्धेत भारताच्या सहा मुष्टियोद्धय़ांनी अंतिम फेरी गाठत किमान रौप्यपदक निश्चित केले आहे. त्यात मनीष कौशिक (63 किलो गट) व विकास कृष्णन (69 किलो गट) यांचा समावेश आहे. महिलांमध्ये मेरी कोमला कांस्यपदक मिळाले.

Advertisements

अमेरिकेतील व्यावसायिक करार पूर्ण करून परतलेल्या विकासने कझाकच्या अल्बायखान झुस्सुपोव्हचा तर मनीषने फ्रान्सच्या लुनेस हमरोवीचा पराभव केला. दोघांनीही आपापल्या प्रतिस्पर्ध्यांवर 3-2 याच गुणफरकाने विजय मिळविला. याशिवाय मोहम्मद हुसामुद्दिनने (57 किलो गट) अंतिम फेरी गाठताना पनामाच्या ओरलँडो मार्टिनेझवर 4-1 अशी मात केली. 81 किलो वजन गटात सुमित सांगवानने फ्रान्सच्या राफेल मोनीचा 5-0, 91 किलोवरील गटात सतीश कुमारने लिथुआनियाच्या जोनास जॅझेव्हिसियसला 4-1 असे नमवित आगेकूच केली तर 75 किलो वजन गटात आशियाई रौप्यजेत्या आशिष कुमारने रोमानियाच्या दुमित्रू क्हिकॉलचा 4-1 असा पराभव केला.

 महिला विभागात सिमरनजित कौर (60 किलो गट), पूजा रानी (75 किलो), आंतरराष्ट्रीय पदार्पण करणारी जस्मिन (57 किलो) यांनी अंतिम फेरी गाठली. मात्र सहा वेळची वर्ल्ड चॅम्पियन मेरी कोमला 51 किलो वजन गटात कांस्यपदकावर समाधान मानावे लागले. जस्मिनने इटलीच्या सिरिन चराबीचा, सिमरनजितने प्युर्टोरिकोच्या किरिया तापियाचा पराभव केला. दोघीनाही या लढतीत काही गुण गमवावे लागले. मात्र पूजा रानीने पनामाच्या अथेयना बायलॉनवर पूर्ण वर्चस्व राखत एकतर्फी विजय मिळविला. मेरी कोमला मात्र अमेरिकेच्या व्हर्जिनिया फुक्सकडून पराभव पत्करावा लागल्याने कांस्यपदक मिळाले. व्हर्जिनियाने प्रभावी फटके मारले नसतानाही काही वेळा पंचांनी तिला गुण बहाल केले.

Related Stories

बांगलादेशचा पहिला डाव 233 धावात समाप्त

Patil_p

हिटमॅन ऑस्ट्रेलियात सुपरहिट ठरेल

Patil_p

धोनीसेना प्रथमच प्ले-ऑफला मुकणार?

Omkar B

भारताचे फ्रीस्टाईल मल्ल पात्रतेविना माघारी

Patil_p

सचिन, विराट, झहीरचा महाराष्ट्र पोलीसांना सॅल्यूट

Patil_p

क्रिकेट ऑस्ट्रेलियाचे कर्मचाऱयांना हंगामी नोकऱया मिळवून देण्याचे प्रयत्न

Patil_p
error: Content is protected !!