तरुण भारत

भारत-अर्जेंटिना हॉकी सामना बरोबरीत

वृत्तसंस्था / ब्यूनॉस आयर्स

सध्या भारतीय पुरूष हॉकी संघ अर्जेंटिनाच्या दौऱयावर असूक बुधवारी या दौऱयातील झालेल्या दुसऱया सराव सामन्यात भारताने ऑलिंपिक विजेत्या यजमान अर्जेंटिनाला 4-4 असे गोल बरोबरीत रोखत अर्जेंटिनाने भारताला सलग दुसऱया विजयापासून रोखले.

Advertisements

या दौऱयात भारताने अर्जेंटिनाचा पहिल्या सरावाच्या सामन्यात 4-3 अशा गोलफरकाने पराभव केला होता. बुधवारच्या दुसऱया सामन्यात भारतीय हॉकीपटूंनी आक्रमक आणि दर्जेदार खेळ करत पूर्वार्धात तीन गोल करत अर्जेंटिनावर आघाडी मिळविली होती. पण त्यानंतर अर्जेंटिनाने पिछाडीवरून मुसंडी मारत भारताला विजयापासून रोखत हा सामना बरोबरीत सोडविला.

या दुसऱया सामन्यात भारतातर्फे वरूणकुमारने सातव्या आणि 44 व्या मिनिटाला, राजकुमार पालने 13 व्या मिनिटाला आणि रूपिंदर पाल सिंगने 14 व्या मिनिटाला गोल केले. अर्जेंटिनातर्फे  लिनाद्रो टॉलीनीने दहाव्या मिनिटाला, लुकास टोस्केनीने 23 व्या मिनिटाला, इग्नेसिओ ओरिझने 42 व्या आणि लुकासने 57 व्या मिनिटाला गोल केले. मध्यंतरापर्यंत भारताने अर्जेंटिनावर 3-2 अशी आघाडी मिळविली होती. आता या दौऱयातील आंतरराष्ट्रीय हॉकी फेडरेशनच्या प्रो लीग स्पर्धेतील भारताचा सामना 11 एप्रिलला अर्जेंटिनाबरोबर होणार आहे. या सामन्याला भारतीय प्रमाणवेळेनुसार दीड वाजता प्रारंभ होईल.

Related Stories

होबार्ट स्पर्धेत सानिया अंतिम फेरीत

Patil_p

मँचेस्टर युनायटेडचा विजय

Patil_p

ऑलिम्पिक पदक विजेता सुशील कुमार विरोधात लूक आऊट नोटीस

triratna

शेवटचे स्थान आणि राजस्थान रॉयल्स ट्रोल!

Patil_p

भारतीय महिलांचा चौथा पराभव

Patil_p

दक्षिण आफ्रिकेचा महिला क्रिकेट संघ मायदेशी रवाना

Patil_p
error: Content is protected !!