तरुण भारत

चिंताजनक ! राज्यात कोरोनाने 349 मृत्यू, 63 हजार 294 नवे रुग्ण

ऑनलाईन टीम

राज्यात कोरोनाचा फैलाव दिवसेंदिवस वाढत आहे. आज दिवसभरात तब्बल 63 हजार 294 नव्या रुग्णांची भर पडली. तर मृतांच्या संख्येतही मोठी वाढ झाली असून 349 रुग्णांचा कोरोनाने बळी घेतला. आजपर्यंत राज्यात 57 हजार 987 रूग्णांचा मृत्यू झाला आहे. राज्यातील मृत्यू दर 1.7 टक्के एवढा आहे. तर राज्यात आज रोजी एकूण 5 लाख 65 हजार 587 ॲक्टिव्ह रुग्ण आहेत. ही आकडेवारी राज्याची चिंता वाढवणारी आहे.

दरम्यान, आज दिवसभरात 34 हजार 8 रुग्ण कोरोनातून बरे झाले. राज्यातील कोरोनातून बरे होण्याचे प्रमाण म्हणजेच रिकव्हरी रेट 81.65 टक्के एवढा झाला आहे. आतापर्यंत 27 लाख 82 हजार 161 कोरोनाबाधित रुग्ण बरे होऊन घरी परतले आहेत.

राज्यात सुरू असणाऱ्या विकेंड लॉकडाऊनला चांगला प्रतिसाद मिळाला. तरीही कोरोनाचा उद्रेक होताना दिसत आहे. लसीकरण मोहिमेतही लसींच्या तुटवड्यामुळे अडथळे निर्माण होताना दिसत आहे. त्यामुळे राज्य शासन कठोर लॉकडाऊन करण्याच्या तयारीत आहे. त्याच पार्श्वभूमीवर आज टास्क फोर्सची बैठक झाली. आता उद्याच्या निर्णयाकडे नागरिकांचे लक्ष लागले आहे.

Related Stories

भुविकास बँक ते तहसीलदार कार्यालयादरम्यान हॉकर्सधारकांची कोरोना टेस्ट

Patil_p

कोल्हापूर : कबनुरातील नामवंत डॉक्टर पॉझिटिव्ह ; २५० जण संपर्कात

triratna

एक दिवसाच्या तेजीनंतर पुन्हा बाजार कोसळला

Patil_p

शिरोळ पंचायत समिती सभापतींवरअविश्वास ठरावाच्या हालचाली सुरु

Shankar_P

सातारा : लॉकडाऊनमध्ये घेतले व्हर्च्युअल क्लासरुम

triratna

शिवभक्त बाप-लेकीकडून गडांची भ्रमंती

Patil_p
error: Content is protected !!