तरुण भारत

इचलकरंजीतील कारखानदार डोंगरे आत्महत्याप्रकरणी ६ जणांवर गुन्हा

इचलकरंजी / प्रतिनिधी

कर्ज वसुलीसाठीचा तगादा आणि व्यवसायातील नुकसानीमुळे यंत्रमाग कारखानदार अमर डोंगरे यांनी 22 डिसेंबर 2020 रोजी पंचगंगा नदीत आत्महत्या केली होती. याप्रकरणी आज 6 जणांच्या विरोधात शिवाजीनगर पोलिस ठाण्यात गुन्हा दाखल झाला आहे.

येथील यंत्रमाग कारखानदार अमर डोंगरे 22 डिसेंबर 2020 रोजी उद्योगातील नुकसानीमुळे पंचगंगा नदीत आत्महत्या केली होती. त्यांनी मृत्यूपूर्वी लिहलेली चिठ्ठी पोलिसांच्या हाती लागली होती. त्यामध्ये व्यवसायातील भागीदार, खाजगी सावकार मृत्यूस जबाबदार असल्याचे नमुद केले होते. त्यानुसार तपास केला असता अमर डोंगरे आणि अशोक व्यास (रा. यशोलक्ष्मीनगर), लक्ष्मीकांत तिवारी (रा. तिवारी अपार्टमेंट) हे पद्मावती एक्सपोर्ट या कापड व सुत दलालीच्या फर्ममध्ये भागीदार होते. तसेच व्यास, तिवारी आणि संगिता नरेंद्रकुमार पुरोहित (रा. कापड मार्केट हौसिंग सोसायटी), प्रविण कबाडे, अमोल कबाडे ( दोघे रा. तारा हॉटेल) यांच्या स्वस्तिक क्रीएशन नावाच्या कापड, सुत दलालीच्या फर्ममध्येही डोंगरे हे भागीदार होते.

व्यावसायातील भागिदारांनी डोंगरे यांना सुरूवातीला नफा असल्याचे भासवले मात्र नंतर तोटा असल्याचे वार्षिक ताळेबंद तयार केले. कंपनीतील माल परस्पर विकला पण त्याची नोंद ताळेबंदात केली नाही. यातून डोंगरे यांची फसवणुक झाल्याने दोन्ही व्यसायात नुकसान झाले. त्यामुळे व्यवसायासाठी डोंगरे यांनी बँक, पतसंस्था, खाजगी सावकार बाबुराव शिंत्रे (रा. इचलकरंजी) याच्याकडून कर्ज घेतले होते. कर्जाच्या वसुलीसाठी शिंत्रे तगादा लावल्याने पंचगंगा नदीत आत्महत्या केली होती. याप्रकरणी सौरभ डोंगरे यांनी फिर्याद दिली होती. डोंगरे यांनी मृत्यूपूर्वी लिहलेल्या चिठ्ठीची शहानिशा करून आज सहाजणांच्या विरोधात गुन्हा दाखल झाला आहे.

Related Stories

गोकुळ शिरगाव एमआयडीसीत गव्याचे दर्शन

triratna

यंत्रमाग कारखानदाराला २५ लाखांच्या खंडणीसाठी रेकार्डवरील गुन्हेगारांची धमकी

triratna

पंचगंगा प्रदुषण मुक्तीसाठी खासदार मानेंचे पाऊल प्रोसेसर्स असोशिएनची बैठक

Shankar_P

शासन आदेशाचे पालन करत सांगरूळ येथे मोहरमचे धार्मिक कार्यक्रम सुरू

triratna

कबनुरातील अडचणी सोडविण्यासाठी कटिबद्ध : ना. सतेज पाटील

triratna

जिल्ह्याचा कोरोना मृत्युदर एक टक्‍क्‍यावर आणण्यासाठी प्रयत्नशील रहा

triratna
error: Content is protected !!