तरुण भारत

हेस्कॉमचे कर्मचारी कमी असल्यामुळे समस्या

वीजपुरवठा खंडित झाल्यानंतर दुरुस्ती करण्यास विलंब

प्रतिनिधी / बेळगाव

Advertisements

कोरोनामुळे हेस्कॉमचे 50 टक्के कर्मचारीच कामावर आहेत. कोरोनामुळे काही कर्मचाऱयांना हजर करून घेण्यात आले आहे. या विभागातील अनेक कर्मचाऱयांना कोरोनाची लागण झाली होती. त्यामुळे हा निर्णय घेण्यात आला आहे. मात्र, विद्युत पुरवठा खंडित झाला तर त्याची दुरुस्ती करण्यास विलंब लागत आहे. त्यामुळे नागरिकांतून नाराजी व्यक्त होत आहे.

सध्या वळिवाचा पाऊस सुरू आहे. त्यामुळे झाडांच्या फांद्या तसेच झाडे कोसळून विद्युत पुरवठा खंडित होत आहे. इतरही काही कारणांनी विद्युत पुरवठा खंडित होत आहे. मात्र, कर्मचारी कमी असल्यामुळे पुन्हा विद्युत पुरवठा सुरळीत करण्यास विलंब होत आहे. 50 टक्के कर्मचाऱयांवरच सध्या काम सुरू आहे.

कोरोनाच्या भीतीमुळे 50 वर्षांवरील कर्मचाऱयांना घरी राहण्याचा सल्ला दिला गेला आहे. मात्र, 50 वर्षांवरील कर्मचाऱयांची संख्या अधिक आहे. इतर कर्मचाऱयांना मात्र कामावर हजर राहण्याची सूचना देण्यात आली आहे. तेच आता हेस्कॉमची जबाबदारी सांभाळत आहेत. काही झाले तरी आम्ही विद्युत पुरवठा सुरळीत करू, त्याचा कामावर कोणताही परिणाम होणार नाही. रात्रंदिवस आमचे लाईनमन काम करत आहेत, असे हेस्कॉमतर्फे सांगण्यात आले. जनतेनेही पुढे सहकार्य करणे गरजेचे आहे. कारण कोरोनासारख्या आजाराला साऱयांनाच लढा द्यावा लागत आहे. तेव्हा प्रत्येकानेच त्याची जाणीव ठेवावी, अशी विनंती करण्यात आली आहे.

Related Stories

ऑक्सिजन युनिटला जिल्हाधिकाऱयांची भेट

Amit Kulkarni

विनामास्क प्रकरणी कॅन्टोन्मेंट आकारणार दंड

Patil_p

परिवहनच्या बस रुग्णवाहिकेबाबत बेळगावला ठेंगा

Patil_p

स्मार्ट बसथांब्याच्या दुरुस्तीचे काम किती महिने चालणार?

Patil_p

शनिवारी 141 जणांचे अहवाल निगेटिव्ह

Patil_p

पूरस्थिती उद्भवल्यास 26 बोटींची व्यवस्था

Omkar B
error: Content is protected !!