तरुण भारत

बिगर निवासी मिळकतधारकांचे तीन महिन्यांचे कर माफ

प्रतिनिधी/ सातारा

सातारा नगरपरिषदेच्या हद्दीमधील बिगर निवासी मिळकतधारकांना सन 2020-21  या आर्थिक वर्षात मालमत्ता कराच्या वार्षिक बिलापैकी 3 महिन्यांच्या मालमत्ता करामधुन सुट देण्याचा ठराव सर्वानुमते घेण्यात आला आहे. त्या निर्णयानुसार एकूण 6,697 मिळकतींना रुपये 71 लाख 57 हजार 13 रुपयांची सुट देण्यात प्रक्रीया सरु झाली आहे. ही सुटीची रक्कम वजा करुनच यंदाची मिळकतकरांची मालमत्ताकर बिले तयार करण्यात येणार आहेत. कोरोनाच्या संकटात, नागरिकांच्या व्यावसायिक वापर असलेल्या मिळकतींचा तीन महिन्यांचा मालमत्ता कर माफ करण्यात येवून, व्यावसायिकांना दिलासा देण्याचा हा छोटासा प्रयत्न आहे असे स्पष्ट मत खासदार उदयनराजे भोसले यांनी एका प्रसिध्दीपत्रकाव्दारे दिली आहे.

Advertisements

कोरोनाच्या जागतिक महामारीच्या संकटात, शहराची मातृसंस्था म्हणून व्यावसायिकांच्या बिगर निवासी घरपट्टीमध्ये तीन महिन्यांच्या कालावधीची भरघोस सुट देणारी सातारा नगरपरिषद ही बहुदा पहिलीच नगरपरिषद असावी, असे नमुद करुन खासदार उदयनराजे भोसले यांनी पुढे नमुद केले आहे की, कोणतीही स्थानिक स्वराज्य संस्था ही त्या त्या शहराची मातृसंस्था म्हणूनच काम करत असते अशी आमची पहिल्यापासूनची धारणा आहे. जन्मापासून अखेरपर्यंत प्रत्येकाचा कोणत्या ना कोणत्या कारणामुळे नगरपरिषदेचा सातत्याने संबंध येत असतो. अशा वेळी नागरिकांची सहज शक्य कामे शक्य तितक्या लवकर आणि पारदर्शीपणाने होण्यासाठी सातारा विकास आघाडी नेहमीच आग्रही राहिलेली आहे.

सध्याच्या काळाचा विचार करता, सन 2005 मध्ये एकूण 782 इतका कर्मचारी वर्ग होता तो 2020 मध्ये शहराची लोकसंख्या जवळजवळ दुप्पट होवूनसुध्दा कर्मचारी वर्ग 440 इतका कमी झाला आहे. यामध्ये सुध्दा जवळजवळ 25 अधिकारी सेवक हे राज्यसंवर्ग सेवेमधुन आलेले आहेत. त्यामुळे स्थानिक कर्मचाऱयाला आपल्या शहराविषयी जशी आत्मियता असते तशी आत्मियता बाहेरुन येणाऱया संवर्ग सेवकाला असली पाहिजे हे शक्य होतेच असे नाही. सुदैवाने सातारा नगरपरिषदेमध्ये बाहेरुन आलेले अधिकारी हे  चांगले काम करीत आहेत. या पार्श्वभुमीवर प्रशासकीय अधिकारी-कर्मचारी आणि धोरणात्मक निर्णय घेणाऱया लोकप्रतिनिधींची सांगड घालुन, जास्तीत जास्त नागरिकांना चांगल्या सोयी- सुविधा कशा मिळतील हे आमचे प्रयत्न राहिलेले आहेत. त्याकरीता यांत्रिकीकरणावर भर देणे, जास्तीत जास्त निधी केंद्र व राज्यशासनाकडून उपलब्ध करुन घेणे, आदी उपाययोजना राबविल्या आहेत.  

त्यातुनच गेल्या वर्षभरापेक्षा जास्त कालावधी होवूनसुध्दा अजुनही कोरोनाचे  थैमान सुरु आहे. लॉकडाऊन, अनलॉक, ब्रेक द चेन अशा संकल्पना राबविताना, छोटय़ा मोठय़ा व्यावसायिकांसह सर्व व्यावसायिक मेटाकुटीला आलेले आहेत. त्यांची होणारी कुचंबना लक्षात घेवून आम्ही शासनाकडे बिगर निवासी आणि निवासी मिळकतधारकांसह सर्वांच्या मिळकतींच्या घरपट्टी माफीचा प्रस्ताव दिलेला आहे. त्या प्रस्तावाचा सुध्दा पाठपुरावा सुरु आहे. त्या प्रस्तावावर संवेदनशीलतेने निर्णय होणे अपेक्षित आहे. निवासी मिळकतधारकांच्या बाबतीतही पण तोपर्यंत स्वस्थ न बसता, नगरपरिषदेच्या कायद्यातील तरतुदींचा सकारात्मकतेने अन्वय लावून, सन 2020-21 या आर्थिक वर्षातील एका तिमाहीचा बिगर निवासी मिळकतींचा मालमत्ता कर  माफ करण्याची अंमलबजावणी सातारा नगरपरिषदेने सुरु केली आहे. याचा लाभ प्राथमिक माहीतीनुसार 6,697 बिगरनिवासी मिळकतधारकांना मिळणार आहे. या बिगर निवासी मिळकतींचा एकूण सुमारे 71 लाख 57 हजार रुपयांचा मालमत्ता कर माफ होणार आहे. केंद्राकडून अतिरिक्त निधी मिळवणे आणि प्रशासकीय बचत या दोन मुख्य स्त्राsताव्दारे ही होणारी तुट भरुन काढण्याचेही नियोजन करण्यात आलेले आहे.

Related Stories

सातारा जिल्ह्यात संसर्गचा विस्फोट थांबला, तरीही काळजी आवश्यकच

triratna

महाराष्ट्र : कोरोनामुक्त रुग्णांची संख्या 19.59 लाखांच्या उंबरठ्यावर

Rohan_P

कोरोनाच्या एका अंत्यसंस्कारावर 15 हजारांचा खर्च

datta jadhav

…अन्यथा शासनाला लॉकडाऊनचा निर्णय घ्यावा लागेल : छगन भुजबळ

Rohan_P

सातारच्या ‘हिरकणी’ने नोंदवला अनोखा विक्रम

Patil_p

”नवनीत राणांनी तेव्हा आवाज उठवला असता तर दीपाली चव्हाणचा जीव वाचला असता”

triratna
error: Content is protected !!