तरुण भारत

बसेसमध्ये आता आयसीयु बेडचीही व्यवस्था

केएसआरटीसीकडून प्रत्येक बसमध्ये 10 लाख खर्चून सुविधा

प्रतिनिधी / बेंगळूर

Advertisements

कर्नाटक राज्य परिवहन महामंडळाने (केएसआरटीसी) बसेसमध्ये कोरोना रुग्णांसाठी विशेष आयसीयु बेड्सची व्यवस्था केली आहे. अत्याधुनिक सुविधांनी सज्ज असलेल्या या संचारी आयसीयु बसेसचे उपमुख्यमंत्री लक्ष्मण सवदी, सहकारमंत्री एस. टी. सोमशेखर, केएसआरटीसीचे अध्यक्ष एम. चंद्रप्पा यांच्या उपस्थितीत बुधवारी लोकार्पण करण्यात आले.

सदर बसेसमध्ये कोरोनाबाधित रुग्णांना उपचार करण्यासाठी सर्व सुविधा निर्माण केल्या आहेत. प्रत्येक बसमध्ये पाच आयसीयु बेडची व्यवस्था करण्यात आली असून ऑक्सिजनची सुविधा आहे. रुग्णांना व्हेंटिलेटर सुविधा, रक्तदाब, ऑक्सिजन तपासणी, ईसीजी, तापमान मोजणीची व्यवस्थाही या बसेसमध्ये करण्यात आली आहे. त्याचप्रमाणे तातडीने औषधांची व जनरेटर व्यवस्थाही यामध्ये करण्यात आली आहे.

याप्रसंगी बोलताना उपमुख्यमंत्री लक्ष्मण सवदी म्हणाले, बसेसमध्ये ऑक्सिजनसह आयसीयु बेडची व्यवस्था करण्यासाठी 10 लाख रुपये खर्च करण्यात आले आहेत. हा खर्च परिवहन महामंडळाकडूनच करण्यात आला आहे. अलिकडेच परिवहनच्या 4 निगममध्ये 12 हून अधिक ऑक्सिजन व्यवस्था असणाऱया बसेस कार्यरत आहेत. त्यामध्ये चित्रदुर्ग, चिक्कबळ्ळापूर, चिक्कमंगळूर, गुलबर्गा आणि बेळगावमध्ये तर बेंगळूरमध्ये बीएमटीसीकडून अशा ऑक्सिजन बसेस सुरू करण्यात आल्या आहेत. त्यापैकी दोन बसेस ऍम्ब्युलन्सच्या धर्तीवर विकसित करण्यात आल्या आहेत.

Related Stories

पर्यटकांसाठी राज्यात लवकरच हेलिटुरिझम

Amit Kulkarni

कर्नाटकात जुलैच्या तिसर्‍या आठवड्यात होणार एसएसएलसी परीक्षा

Abhijeet Shinde

बेंगळूर अतिरेक्यांचे नाहीः जेडी (एस) नेते कुमारस्वामींनी खासदार सूर्या यांना फटकारलं

Abhijeet Shinde

भाजप खासदाराच्या मुलाचा काँग्रेसला पाठिंबा

Abhijeet Shinde

कर्नाटक: केएसआरटीसीची हैदराबाद सेवा पुन्हा सुरू

Abhijeet Shinde

केंद्राकडे 10 हजार कोटींच्या विशेष पॅकेजची मागणी

Patil_p
error: Content is protected !!