प्रतिनिधी /पेडणे
वायंडोंगर पार्से येथे शनिवारी सकाळी मुख्य रस्त्यावर व वीज वाहिन्यांवर, भेंडीचे झाड, माड आणि आकाशी झाड पडल्याने वीज खात्याचे मोठे नुकसान झाले.
पेडणे अग्निशामक दलाला सकाळी ही घटना घडल्याचे कळताच अग्निशामक दलाचे साहाय्यक अधिकारी सुनील देसाई हे आपल्या जवानांसह घटनास्थळी हजर झाले. अग्निशामक दलाला बरीच मेहनत घ्यावी लागली.
पेट्रोल आणि इलेक्ट्रिक कटरचा वापर करून रास्ता मोकळा केला व वीज वाहिन्या बाजूला केल्या. या मोहिमेत अग्निशामक दलाचे साहाय्यक अधिकारी सुनील देसाई, चालक मथिएस मेंडोंसा, जवान अमोल परब, जवान यशवंत नाईक आणि नगर पालिकेचे कामगार यांनी चांगली कामगिरी केली.