वार्ताहर /धामणे
वडगाव ते धामणे रस्त्यावरील बळ्ळारी नाल्यातील गाळ जेसीबीच्या साहाय्याने काढत असताना ब्रिजचा काही भाग पडला आहे. त्यामुळे या रस्त्यावरील वाहनांना धोका निर्माण झाला आहे. यामुळे येथील वाहनधारक आणि नागरिकांतून संताप व्यक्त करण्यात येत आहे.
गेल्या महिनाभरात पावसाचा जोर वाढला होता. त्यामुळे प्रतिवर्षाप्रमाणे बळ्ळारी नाल्याला पूर येऊन वडगाव-धामणे रस्त्यालगत बळ्ळारी नाल्याशेजारी शेकडो एकर शिवारात पावसाचे पाणी मोठय़ा प्रमाणात साचले.
त्यामुळे शेतकऱयांचे भात पीक पाण्याखाली येऊन प्रतिवर्षी मोठय़ा नुकसानीला सामोरे जावे लागत आहे. याचे कारण म्हणजे वडगाव-धामणे रस्त्यावरील बळ्ळारी नाल्यावर जुना ब्रिज सिमेंट पाईप घालून बांधण्यात आला आहे. मोठय़ा पावसात या पाईपातून पाण्याचा विसर्ग होत नाही. याशिवाय मोठी अडचण म्हणजे बळ्ळारी नाल्यात मोठय़ा प्रमाणात गाळ साचला आहे. हा गाळ उन्हाळय़ात काढण्यात आला असता तर ही समस्या उद्भवली नसता