ऑनलाईन टीम / तरुण भारत :
कुर्ला इमारत दुर्घटनेतील मृतांचा आकडा 11 वर पोहचला आहे. तर 12 जण जखमी असून, त्यामधील चार जणांवर जवळच्या रुग्णालयात उपचार सुरू आहेत.
कुर्ल्याच्या नेहरूनगर परिसरातील नाईकनगर सोसायटी नावाची चार मजली इमारत मध्यरात्री कोसळली. घटनेची माहिती मिळताच घटनास्थळावर अग्निशमन दल आणि एनडीआरएफची तुकडी दाखल झाली होती. रात्रीपासून बचावकार्य सूरू आहे. ढिगाऱ्याखाली 20 ते 25 जण अडकल्याची भीती व्यक्त करण्यात आली होती. त्यामधील 12 जणांना सुखरुप बाहेर काढण्यात आले आहे. तर 11 जणांचा मृत्यू झाला आहे.
घटनास्थळी स्थानिक पोलीस, महापालिकेचे अधिकारी, एनडीआरएफचं पथक आणि अग्निशमन दलाचे जवान उपस्थित आहेत. ढिगारा हटवून त्याखाली आणखी कोणी अडकले आहे, का याचा शोध बचावपथकाकडून सुरू आहे.